കടമേരി: സംസ്ഥാനവ്യാപകമായി എസ്.എം.എഫ് നടത്തുന്ന ഇസ്‌ലാമിക് പാരന്റിങ് കോഴ്‌സ് പരിശീലക ശില്‍പശാല ഉദ്ഘാടനം കടമേരി റഹ്മാനിയ്യ അറബിക് കോളജില്‍ സമസ്ത കേന്ദ്ര മുശാവറ അംഗം മുക്കം ഉമര്‍ ഫൈസി നിര്‍വഹിച്ചു.
സംസ്ഥാനത്തെ നാല് സോണുകളില്‍ നിന്നായി 120 പേര്‍ പങ്കെടുത്ത ശില്‍പശാല ഇസ്‌ലാമിക് പാരന്റിങ് കോഴ്‌സിന്റെ പഠനമേഖലകള്‍ക്ക് അന്തിമരൂപം നല്‍കി. മഹല്ലുകളില്‍ മദ്‌റസകള്‍ കേന്ദ്രീകരിച്ച് നടക്കുന്ന കോഴ്‌സ് ജനുവരിയിലാണ് ആരംഭിക്കുക. പരിശീലനത്തിന് എസ്.വി മുഹമ്മദലി മാസ്റ്റര്‍, സി.ടി അബ്ദുല്‍ ഖാദര്‍, പി.ടി അബ്ദുല്‍ അസീസ്, അബ്ദുറഹീം ചുഴലി, ശംസുദ്ദീന്‍ ഒഴുകൂര്‍, ശാജു ശമീര്‍ അസ്ഹരി, ജാബിര്‍ ഹുദവി ചാനടുക്കം നേതൃത്വം നല്‍കി. എസ്.പി.എം തങ്ങള്‍ അധ്യക്ഷനായി.
ഉദ്ഘാടനസംഗമത്തില്‍ സി.എച്ച് മഹ്മൂദ് സഅദി, ഇ.ടി.എ അസീസ് ദാരിമി, മനാഫ് അടിവാരം, ശിഹാബ് ബാഖവി, സി.എച്ച് ഹമീദ് മുസ്‌ലിയാര്‍, നാസര്‍ കല്ലൂരവി, ഇര്‍ശാദ് ഫൈസി, അബ്ദുറഹ്മാന്‍ മരതൂര്‍ സംസാരിച്ചു