പരപ്പനങ്ങാടി: 'സുകൃത ബാല്യം ഭാവിയുടെ സുഗന്ധം' എന്ന പ്രമേയത്തില്‍ സമസ്ത കേരള സുന്നി ബാലവേദി സ്ഥാപക ദിനത്തോടനുബന്ധിച്ച് പരപ്പനങ്ങാടി ,ചെട്ടിപ്പടി റെയ്ഞ്ചുകളിലെ വിവിധ മദ്‌റസകളില്‍ പതാക ഉയര്‍ത്തല്‍ , മോണിങ് അസംബ്ലി , മധുര വിതരണം എന്നിവ നടന്നു .ചെട്ടിപ്പടി റെയ്ഞ്ച് തല സ്ഥാപകദിന സംഗമം കല്ലിങ്ങല്‍ ഇസ്സത്തുല്‍ ഇസ്‌ലാം മദ്‌റസയില്‍ റെയ്ഞ്ച് പ്രസിഡന്റ് സയ്യിദ് യഹ്‌യ തങ്ങള്‍ ജമലുല്ലൈലി ഉദ്ഘാടനം ചെയ്തു . അലിഅക്ബര്‍ മൗലവി അധ്യക്ഷനായി. സമസ്ത ആര്‍ പി ശമീം ദാരിമി ക്ലാസെടുത്തു. നൗഷാദ് ചെട്ടിപ്പടി പതാക ഉയര്‍ത്തി .
ചിറമംഗലം മിസ്ബാഹുല്‍ ഉലൂം മദ്‌റസയില്‍ എസ് ബി വി റെയ്ഞ്ച് പ്രസിഡന്റ് സയ്യിദ് സാബിത്ത് കോയ തങ്ങള്‍ പതാക ഉയര്‍ത്തി .പുത്തന്‍കടപ്പുറം മിസ്ബാഹുല്‍ ഹുദ ബ്രാഞ്ച് മദ്‌റസയില്‍ മഹല്ല് സെക്രട്ടറി പി എസ് സൈതലവി പതാക ഉയര്‍ത്തി .ഫൈസല്‍ ഫൈസി ,മശ്ഹൂദ് മുസ്‌ലിയാര്‍ സംസാരിച്ചു .അരയന്‍കടപ്പുറം മിസ്ബാഹുല്‍ ഹുദ മദ്‌റസയില്‍ റെയ്ഞ്ച് പരീക്ഷാ ബോര്‍ഡ് ചെയര്‍മാന്‍ മന്‍സൂര്‍ അശ്‌റഫി പതാക ഉയര്‍ത്തി. ഒട്ടുമ്മല്‍ മിസ്ബാഹുല്‍ ഹുദ ബ്രാഞ്ച് മദ്‌റസയില്‍ ശമീം ദാരിമി പതാക ഉയര്‍ത്തി .കൊടക്കാട് മുനീറുല്‍ ഇസ്‌ലാം മദ്‌റസയില്‍ ഇസ്മായില്‍ ഹുദവി പതാക ഉയര്‍ത്തി .സയ്യിദ് യഹ്‌യ തങ്ങള്‍ ജമലുല്ലൈലി ഉദ്ഘാടനം ചെയ്തു .അനീസ് ഹുദവി സന്ദേശം നല്‍കി .ചാപ്പപ്പടി ബദറുല്‍ ഹുദ മദ്‌റസയില്‍ അസീസ് മുസ്‌ലിയാര്‍ പതാക ഉയര്‍ത്തി .