ഈരാറ്റുപേട്ട: ജീവ കാരുണ്യ രംഗത്ത് മൂന്നു പതിറ്റാണ്ടുകളായി നടക്കല്‍ കേന്ദ്രമാക്കി പ്രവര്‍ത്തിക്കുന്ന സി.എച്ച് യുവ കേന്ദ്രത്തിന്റെ 30-ാമത് വാര്‍ഷികം ഇന്ന് വൈകുന്നേരം 7 ന് ഈരാറ്റുപേട്ട മുസ്‌ലിം ഗേള്‍സ് ഹയര്‍ സെക്കന്‍ഡറി സ്‌കൂള്‍ ഓപ്പണ്‍ ഗ്രൗണ്ടില്‍ സി.എച്ച് നഗറില്‍ നടക്കും. പി.ടി തോമസ് എം.എല്‍.എ സമ്മേളനം ഉദ്ഘാടനം ചെയ്യും.എം.ജി സര്‍വകലാശാല പ്രോ. വൈസ് ചാന്‍സിലര്‍ ഷീന ഷുക്കൂര്‍ മുഖ്യപ്രഭാഷണം നടത്തും. പ്രശസ്ത മാപ്പിളപ്പാട്ട് ഗവേഷകന്‍ ഫൈസല്‍ എളേറ്റില്‍ വിശിഷ്ടാതിഥിയായിരിക്കും. പി.എം ഷരീഫ്, അസീസ് ബഡായില്‍, കുഞ്ഞുമോള്‍, സിയാദ് ഹുസൈന്‍ അമ്പഴത്തിനാല്‍ എന്നിവര്‍ സംസാരിക്കും. മുഹ്‌സിന്‍ പഴയമ്പള്ളില്‍ അധ്യക്ഷനായിരിക്കും. രാത്രി 8-മണിക്ക് ഫൈസല്‍ എളേറ്റില്‍ നയിക്കുന്ന മാപ്പിള ഗാന മേളയും നടക്കും. ബുധനാഴ്ച സാംസ്‌കാരിക സമ്മേളനം ആന്റോ ആന്റണി എം.പി ഉദ്ഘാടനം ചെയ്യും. സാഹിത്യ കാരന്‍ എസ്. ശിവ ദാസ് മുഖ്യപ്രഭാഷണം നടത്തും. ഇമാം ഏകോപന സമിതി ചെയര്‍മാന്‍ കെ.എ നദീര്‍ മൗലവി, എം.വി ജോര്‍ജ് കുട്ടി, എം.ജി മധുസൂദനന്‍ സംസാരിക്കും. 8-മണിക്ക് ആദം കൊടുവള്ളിയുടെ ചരിത്ര കഥാപ്രസംഗവും നടക്കും.