കൊയിലാണ്ടി: വെങ്ങളം സി.ടി മെറ്റല്‍സില്‍ നിന്നും കളവുപോയ നായക്കൂട് എസ്.ഐ ബാബുരാജിന്റെ നേതൃത്വത്തിലുള്ള അന്വേഷണ സംഘം കണ്ടെടുത്തു. ഇത് സംബന്ധിച്ച് രണ്ടുപേരെ പൊലിസ് അറസ്റ്റ് ചെയ്തു. ചെങ്ങോട്ടുകാവ് മാടാക്കര മാവിളിച്ചിക്കണ്ടി ഇസ്ഹാക്ക് (22), മാടാക്കര പുതിയോട്ടില്‍ നിഷാദ് (24) എന്നിവരാണ് പൊലിസ് പിടിയിലായത്. കഴിഞ്ഞ ദിവസമാണ് സംഭവം. ഏഴായിരത്തോളം രൂപ വിലയുള്ള നായക്കൂടാണ് പ്രതികള്‍ മോഷ്ടിച്ചത്. കടയില്‍ സ്ഥാപിച്ച സി.സി.ടി.വി കാമറയില്‍ പതിഞ്ഞ മോഷണം നടത്തുന്ന ദൃശ്യമാണ് പൊലിസിന് പ്രതികളെ പിടികൂടാന്‍ സഹായകമായത്. അന്വേഷണസംഘത്തില്‍ സീനിയര്‍ സി.പി.ഒ കെ.ഗിരീഷ്, സി.പി.ഒമാരായ ഗണേഷന്‍, എം.ചന്ദ്രന്‍ തുടങ്ങിയവരാണ് ഉണ്ടായിരുന്നത്.