വാഴക്കാട്: കണ്ണിയത്ത് ഉസ്താദ് ഇരുപത്തിനാലാം ഉറൂസിലെ രണ്ടാം ദിവസപ്രഭാഷണത്തിന് എത്തിയത് ആയിരങ്ങള്‍. വാഴക്കാട് ഹൈസ്‌കൂള്‍ ഗ്രൗണ്ടില്‍ ഒരുക്കിയ കണ്ണിയത്ത് ഉസ്താദ് നഗറിലാണ് പരിപാടി നടകുന്നത്.
ഇന്നലെ നടന്ന മതപ്രഭാഷണം സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്തു. ഇ.ടി മുഹമ്മദ് ബഷീര്‍ എം.പി അധ്യക്ഷനായി. മായിന്‍ഹാജി മുഖ്യാതിഥിയായി. നൗഷാദ് ബാഖവി ചിറയിന്‍കീഴ് മുഖ്യപ്രഭാഷണം നടത്തി. ആബിദ് ഹുദവി തച്ചണ്ണ, അലി മുസ്‌ലിയാര്‍, മമ്മു ദാരിമി, വലിയുദ്ദീന്‍ ഫൈസി സംസാരിച്ചു. ഇന്നു നടക്കുന്ന മതപ്രഭാഷണം സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. ജലീല്‍ റഹ്മാനി വാണിയന്നൂര്‍ പ്രഭാഷണം നടത്തും. മാണിയൂര്‍ അഹമ്മദ് മുസ്‌ലിയാര്‍ പ്രാര്‍ഥനയ്ക്ക് നേതൃത്വം നല്‍കും.