ഗൂഡല്ലൂര്‍: മുതുമല കടുവാസംരക്ഷണ കേന്ദ്രത്തില്‍ വന്യജീവികളുടെ കണക്കെടുപ്പ് പുരോഗമിക്കുന്നു. ആറ് ദിവസം നീണ്ടുനില്‍ക്കുന്ന കണക്കെടുപ്പ് കഴിഞ്ഞ 22നാണ് തുടങ്ങിയത്. പരിശീലനം നേടിയ വനംവകുപ്പ് ജീവനക്കാരാണ് കണക്കെടുപ്പിന് നേതൃത്വം നല്‍കുന്നത്. 36 സംഘങ്ങളാണ് കണക്കെടുപ്പിന് നേതൃത്വം നല്‍കുന്നത്. 180 പേരാണ് സംഘത്തിലുള്ളത്. ഊട്ടി ഗവ. കോളജിലെ 36 വിദ്യാര്‍ഥികളും സംഘത്തിലുണ്ട്. ഉള്‍വനത്തില്‍ ചുറ്റിക്കറങ്ങിയാണ് കണക്കെടുപ്പ് നടത്തുന്നത്. വന്യജീവികളെ നേരില്‍ കണ്ടും അടയാളങ്ങള്‍ നോക്കിയുമാണ് കണക്കെടുപ്പ് നടത്തുന്നത്. ആറ് മാസത്തിലൊരിക്കലാണ് കണക്കെടുപ്പ് നടത്താറുള്ളത്.