ലഖ്‌നൗ: വരാനിരിക്കുന്ന യു.പി തെരെഞ്ഞെടുപ്പില്‍ സമാന്തര സ്ഥാനാര്‍ഥി പട്ടികയുമായി മുഖ്യമന്ത്രി അഖിലേഷ് യാദവ്.
പിതാവും പാര്‍ട്ടി തലവനുമായ മുലായം സിംഗ് യാദവ് പുറത്തിറക്കിയ 325 പേരുടെ സ്ഥാനാര്‍ഥി പട്ടികയില്‍ താനുമായി അടുപ്പമുള്ള പലരെയും ഒഴിവാക്കിയതില്‍ പ്രതിഷേധിച്ചാണ് പുതിയ പട്ടികയുമായി അഖിലേഷ് രംഗത്തെത്തിയിരിക്കുന്നത്.
സിറ്റിംഗ് എം.എല്‍.എമാരായ 171 പേര്‍ അഖിലേഷ് ഇറക്കിയ പട്ടികയില്‍ ഇടംനേടിയിട്ടുണ്ട്. ഇവരെ മുഴുവന്‍ മുലായം തന്റെ പട്ടികയില്‍ നിന്ന് മാറ്റിനിര്‍ത്തിയിരുന്നു.
സ്ഥാനാര്‍ഥി നിര്‍ണ്ണയവുമായി ബന്ധപ്പെട്ട് പാര്‍ട്ടിയില്‍ നിലനില്‍ക്കുന്ന അസ്വാരസ്യങ്ങളാണ് പുതിയ സംഭവവികാസങ്ങളിലേക്ക് നയിച്ചിരിക്കുന്നത്.