വേങ്ങര: ഭാര്യയെ വീട്ടിനകത്തു വെട്ടിക്കൊലപ്പെടുത്തിയ കേസിലെ പ്രതിയെ പൊലിസ് പിടികൂടി. കണ്ണമംഗലം എടക്കാപറമ്പ് പൂഴിക്കുന്നത്ത് അബ്ദുള്ളക്കുട്ടി (70) ആണ് അറസ്റ്റിലായത്. രണ്ടു ഭാര്യമാര്‍ക്കും മക്കള്‍ക്കും ഒപ്പം ഒരേവീട്ടില്‍ താമസിക്കുന്ന അബ്ദുള്ളക്കുട്ടി ആദ്യ ഭാര്യ എന്‍.ടി റുഖിയ (60) യെ കിടപ്പുമുറിയില്‍ വാതിലടച്ച് കത്തികൊണ്ട് കുത്തികൊലപ്പെടുത്തുകയായിരുന്നു. ഇന്നലെ വൈകിട്ട് ആറോടെയാണ് അറസ്റ്റ് രേഖപ്പെടുത്തിയത്. ഇന്ന് കോടതിയില്‍ ഹാജരാക്കും. രാവിലെ പത്തോടെ വീട്ടില്‍ തെളിവെടുപ്പിനെത്തിക്കും. റുഖിയയുടെ മൃതദേഹം ബന്ധുക്കള്‍ ഏറ്റുവാങ്ങി വയനാട്ടിലേക്കു കൊണ്ടുപോയി മറവുചെയ്തു.