നടുവണ്ണൂര്‍: ജന്മനാ ഇരുകണ്ണുകള്‍ക്കും കാഴ്ചശക്തിയില്ലാത്ത മന്ദങ്കാവ് പുതിയോട്ടില്‍ അഷ്‌റഫിനും കുടുംബത്തിനും ഇനി പുതിയ വീട്ടില്‍ അന്തിയുറങ്ങാം. വെങ്ങളത്ത് കടവ് ഏരിയാ ജി.സി.സി പ്രവാസികളും നാട്ടിലെ സുമനസുകളും ഇ.ടി മുഹമ്മദ് ബഷീര്‍ എം.പി ചെയര്‍മാനായുള്ള പുളിക്കല്‍ ഗ്ലോബല്‍ ഇസ്‌ലാമിക് ഫോര്‍ ദ ബ്ലൈന്റും മുന്‍കൈയെടുത്താണ് അഷ്‌റഫിന് വീടു നിര്‍മിച്ചു നല്‍കിയത്.
പ്രവാസികള്‍ വാട്‌സ്ആപ് കൂട്ടായ്മയിലൂടെ പണം സമാഹരിച്ചാണ് പത്തുലക്ഷത്തിലധികം രൂപാ ചെലവില്‍ വീടിന്റെ പ്രവൃത്തി പൂര്‍ത്തികരിച്ചത്.
അഷ്‌റഫ് നാളെ ഉച്ചയ്ക്ക് നാട്ടുകാര്‍ക്കും മറ്റും സ്‌നേഹവിരുന്ന് ഒരുക്കിയിട്ടുണ്ട്. ഉമ്മയും ഭാര്യയും, രണ്ടണ്ടു മക്കളും അടങ്ങുന്നതാണ് അഷ്‌റഫിന്റെ കുടുംബം.