വെള്ളിയാമറ്റം: വെള്ളിയാമറ്റം വില്ലേജിനെ കാഷ്‌ലെസ് വില്ലേജിന്റെ പട്ടികയില്‍ ഉള്‍പ്പെടുത്തും. അക്ഷയ കേന്ദ്രം വഴി തിരഞ്ഞെടുക്കപ്പെട്ടവര്‍ക്ക് നല്‍കിയ പരിശീലനമാണ് കാഷ്‌ലെസ് വില്ലേജിന്റെ പട്ടികയില്‍ ഇടം നേടാന്‍ സാഹചര്യമൊരിക്കിയത്.
നോട്ടുകള്‍ ഇല്ലാതെ ഇലക്‌ട്രോണിക് മാധ്യമങ്ങളുടെ സഹായത്താല്‍ വിവിധ തരത്തില്‍ പണമിടപാടുകള്‍ നടത്താന്‍ ജനങ്ങളെ പ്രപ്തരാക്കാനാണ് ലക്ഷ്യമിടുന്നത്. ഇത് സംബന്ധിച്ച ഔദ്യോഗിക പ്രഖ്യാപനം പിന്നീട് ഉണ്ടാകുന്നതാണ്. നെറ്റ് ബാങ്കിങ്, മൊബൈല്‍ ബാങ്കിങ്, എസ്.ബി.ഐ ബഡ്ഡി, ഫോണ്‍ ടു ഫോണ്‍, കാര്‍ഡ്, പി.ഒ. എസ്, ആധാര്‍ അധിഷ്ഠിത പണമിടപാട് തുടങ്ങിയരീതികളിലാണ് പരിശീലനം നല്‍കുന്നത്.