പാപ്പിനിശ്ശേരി: പാപ്പിനിശ്ശേരി ജാമിഅ അസ്അദിയ്യ ഇസ്‌ലാമിയ്യ രജതജൂബിലി ഏഴാം സനദ്ദാന സമ്മേളനത്തിനു വര്‍ണശബളമായ തുടക്കം. സ്വാഗതസംഘം ചെയര്‍മാന്‍ പി.കെ.പി അബ്ദുസലാം മുസ്‌ലിയാര്‍ പതാക ഉയര്‍ത്തിയതോടെയാണു മൂന്നുദിവസത്തെ സമ്മേളനത്തിനു തുടക്കമായത്. സമ്മേളനം സമസ്ത സെക്രട്ടറി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്തു. പി.കെ.പി അബ്ദുസലാം മുസ്‌ലിയാര്‍ അധ്യക്ഷനായി. ബഷീര്‍ വെള്ളിക്കോത്ത് മുഖ്യപ്രഭാഷണം നടത്തി. മാണിയൂര്‍ അബ്ദുറഹ്മാന്‍ ഫൈസി, മലയമ്മ അബൂബക്കര്‍ ബാഖവി, എ.കെ അബ്ദുല്‍ ബാഖി, കെ.കെ മുഹമ്മദ്, പാലത്തായി മൊയ്തുഹാജി, എസ്.കെ ഹംസ ഹാജി, അബ്ദുസമദ് മുട്ടം, പി.പി.എസ് കുഞ്ഞിസീതി തങ്ങള്‍, അബ്ദുസലാം ദാരിമി കിണവക്കല്‍, അബ്ദുല്‍കരീം ചേലേരി, കെ മുഹമ്മദ് ശരീഫ് ബാഖവി, എ അബ്ദുല്ല ഹാജി, പി.ടി മുഹമ്മദ്, അഷ്‌റഫ് ബംഗാളിമുഹല്ല, നജീബ് മുട്ടം, അബ്ദുല്ല ഹാജി ബ്ലാത്തൂര്‍, റാഫി എളമ്പാറ, ഷുഹൈബ് പാപ്പിനിശ്ശേരി, എസ്.എല്‍.പി അബ്ദുനാസര്‍ ഹാജി, ഇസ്ഹാഖ് അസ്അദി, പി.കെ ഇബ്രാഹിം മൗലവി സംസാരിച്ചു.
ഇന്നു രാവിലെ 10ന് ജില്ലയിലെ മഹല്ല് ഭാരവാഹികള്‍ പങ്കെടുക്കുന്ന ജില്ലാതല മഹല്ല് ശില്‍പശാല ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്യും. സംയുക്ത ജമാഅത്ത് ജില്ലാ ജനറല്‍സെക്രട്ടറി അബ്ദുറഹ്മാന്‍ കല്ലായി അധ്യക്ഷനാകും. എസ്.എം.എഫ് സംസ്ഥാന ജനറല്‍സെക്രട്ടറി കെ ഉമര്‍ ഫൈസി മുക്കം മുഖ്യപ്രഭാഷണം നടത്തും. ന്യൂനപക്ഷ വെല്‍ഫെയര്‍ ഡിപ്പാര്‍ട്ട്‌മെന്റ് മുന്‍ ഡയറക്ടര്‍ ഡോ. പി നസീര്‍, എസ്.വി മുഹമ്മദലി, അഹ്മദ് തേര്‍ളായി, ഷംസുദീന്‍ ഒഴുകൂര്‍, എ.കെ ആലിപ്പറമ്പ്, പി.സി ഉമര്‍ മൗലവി, സി.ടി അബ്ദുല്‍ഖാദര്‍ എന്നിവര്‍ വിവിധ വിഷയങ്ങള്‍ അവതരിപ്പിക്കും. രാത്രി ഏഴിന് ദിക്ര്‍ സ്വലാത്ത് മജ്‌ലിസ് സമസ്ത ട്രഷറര്‍ സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ ഉദ്ഘാടനം ചെയ്യും. സമസ്ത ജില്ലാ ജനറല്‍സെക്രട്ടറി മാണിയൂര്‍ അഹ്മദ് മുസ്‌ലിയാര്‍ അധ്യക്ഷനാകും. എസ്.വൈ.എസ് സംസ്ഥാന വൈസ് പ്രസിഡന്റ് റഹ്മത്തുല്ല ഖാസിമി മൂത്തേടം മുഖ്യപ്രഭാഷണം നടത്തും.