കൊച്ചി: എറണാകുളം മെഡിക്കല്‍ കോളജ് ആശുപത്രിയില്‍ പുതുവത്സര ദിനമായ ഇന്ന് പിറക്കുന്ന എല്ലാ കുഞ്ഞുങ്ങള്‍ക്കും കെ.വി.എച്ച് ബെഡ് വര്‍ക്‌സിന്റെ 30-ാമത് വാര്‍ഷികത്തോടനുബന്ധിച്ച് പുറത്തിറക്കിയ ഉല്‍പന്നമായ ബ്യുണോ ബേബി ബെഡ് സമ്മാനമായി നല്‍കുമെന്ന് കമ്പനി അധികൃതര്‍ വാര്‍ത്താ സമ്മേളനത്തില്‍ അറിയിച്ചു.
പൂര്‍ണമായും നാടന്‍ പഞ്ഞിയില്‍ നിര്‍മിച്ച കിടക്കയാണ് കെ.വി.എച്ച് നിര്‍മിക്കുന്നത്. ഇത് കുട്ടികള്‍ക്ക് ഉത്തമമായ രീതിയിലുള്ളതാണെന്നും അവര്‍ പറഞ്ഞു. കാക്കനാട് സണ്‍റൈസ് ആശുപത്രി, കൊച്ചി റിനായ് മെഡിസിറ്റി, എറണാകുളം മെഡിക്കല്‍ സെന്റര്‍, ലൂര്‍ദ് ആശുപത്രി പച്ചാളം, ആസ്റ്റര്‍ മെഡിസിറ്റി എന്നിവിടങ്ങളില്‍ പുതുവത്സരദിനത്തില്‍ പിറക്കുന്ന ആദ്യ ശിശുവിനും ബ്യുണോ ബേബി ബെഡ് സമ്മാനമായി നല്‍കും.
വാര്‍ത്താ സമ്മേളനത്തില്‍ പ്രൊഡക്ഷന്‍ കണ്‍ട്രോളര്‍ ഷെഫീഖ്, മാര്‍ക്കറ്റിങ് മാനേജര്‍ കെ.ടി ഫൈസല്‍, പര്‍ച്ചേസ് മാനേജര്‍ വി.എം ഷാജഹാന്‍ കബീര്‍ എന്നിവര്‍ പങ്കെടുത്തു.