തൊടുപുഴ: ദുരൂഹ സാഹചര്യത്തില്‍ വീട്ടുമുറ്റത്തെ കിണറ്റില്‍ വീണ യുവതിയെ ഫയര്‍ഫോഴ്‌സ് രക്ഷപ്പെടുത്തി. ഇന്നലെ ഉച്ചയോടെ കരിമണ്ണൂര്‍ മണ്ണാര്‍ത്തറ മംഗലത്ത് തങ്കച്ചന്റെ ഭാര്യ ഗ്രേസി (48) ആണ് വീട്ടുമുറ്റത്തെ കിണറ്റില്‍ വീണത്. അറുപതടി താഴ്ച്ചയുള്ള കിണറ്റില്‍ പത്തടിയോളം വെള്ളമുണ്ടായിരുന്നു.
ശബ്ദം കേട്ട് ഓടി കൂടിയ അയല്‍ക്കാര്‍ കയറിട്ട് നല്‍കുകയും തുടര്‍ന്ന് ഫയര്‍ഫോഴ്‌സിനെ അറിയിക്കുകയുമായിരുന്നു. തൊടുപുഴയില്‍ നിന്നുമെത്തിയ ഫയര്‍ഫോഴ്‌സ് സംഘം കയറില്‍ തൂങ്ങികിടന്ന് അവശനിലയിലായ യുവതിയെ വലയില്‍ മുകളിലെത്തിക്കുകയായിരുന്നു.
തുടര്‍ന്ന് ഫയര്‍ഫോഴ്‌സിന്റെ ആമ്പുലന്‍സില്‍ കരിമണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
സ്റ്റേഷന്‍ ഓഫീസര്‍ ഇന്‍ ചാര്‍ജ് ബെല്‍ജി വര്‍ഗ്ഗീസ്, റ്റി.ഇ അലിയാര്‍, സജീവ്, പ്രശാന്ത് കുമാര്‍, സാജു, ജിജോ ഫിലിപ്പ്, സണ്ണി, ബെന്നി, തുടങ്ങിയവരാണ് ഫയര്‍ഫോഴ്‌സ് സംഘത്തിലുണ്ടായിരുന്നത്.തൊടുപുഴ: ദുരൂഹ സാഹചര്യത്തില്‍ വീട്ടുമുറ്റത്തെ കിണറ്റില്‍ വീണ യുവതിയെ ഫയര്‍ഫോഴ്‌സ് രക്ഷപ്പെടുത്തി. ഇന്നലെ ഉച്ചയോടെ കരിമണ്ണൂര്‍ മണ്ണാര്‍ത്തറ മംഗലത്ത് തങ്കച്ചന്റെ ഭാര്യ ഗ്രേസി (48) ആണ് വീട്ടുമുറ്റത്തെ കിണറ്റില്‍ വീണത്. അറുപതടി താഴ്ച്ചയുള്ള കിണറ്റില്‍ പത്തടിയോളം വെള്ളമുണ്ടായിരുന്നു.
ശബ്ദം കേട്ട് ഓടി കൂടിയ അയല്‍ക്കാര്‍ കയറിട്ട് നല്‍കുകയും തുടര്‍ന്ന് ഫയര്‍ഫോഴ്‌സിനെ അറിയിക്കുകയുമായിരുന്നു. തൊടുപുഴയില്‍ നിന്നുമെത്തിയ ഫയര്‍ഫോഴ്‌സ് സംഘം കയറില്‍ തൂങ്ങികിടന്ന് അവശനിലയിലായ യുവതിയെ വലയില്‍ മുകളിലെത്തിക്കുകയായിരുന്നു.
തുടര്‍ന്ന് ഫയര്‍ഫോഴ്‌സിന്റെ ആമ്പുലന്‍സില്‍ കരിമണ്ണൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
സ്റ്റേഷന്‍ ഓഫീസര്‍ ഇന്‍ ചാര്‍ജ് ബെല്‍ജി വര്‍ഗ്ഗീസ്, റ്റി.ഇ അലിയാര്‍, സജീവ്, പ്രശാന്ത് കുമാര്‍, സാജു, ജിജോ ഫിലിപ്പ്, സണ്ണി, ബെന്നി, തുടങ്ങിയവരാണ് ഫയര്‍ഫോഴ്‌സ് സംഘത്തിലുണ്ടായിരുന്നത്.