മുക്കം: കാരശ്ശേരി വാര്‍ഡ് മുസ്‌ലിംലീഗ് കമ്മിറ്റിയുടെ ആഭിമുഖ്യത്തില്‍ കാരശ്ശേരി ഗ്രാമപഞ്ചായത്ത് മുന്‍പ്രസിഡന്റും മുക്കത്തിന്റെ വികസനത്തില്‍ വലിയ പങ്കുവഹിച്ച രാഷ്ട്രീയ നേതാവുമായിരുന്ന എന്‍.എം ഹുസൈന്‍ ഹാജിയുടെ 25ാം ചരമവാര്‍ഷിക അനുസ്മരണ മുസ്‌ലിം ലീഗ് സമ്മേളനം ഇന്ന് കാരശ്ശേരിയില്‍ നടക്കും. കാശ്ശേരി വാര്‍ഡ് മുസ്‌ലിംലീഗ് സമ്മേളനവും ഇതോടൊപ്പം നടക്കും.
വൈകിട്ട് മുന്‍ മന്ത്രി പി.കെ കുഞ്ഞാലിക്കുട്ടി സമ്മേളനം ഉദ്ഘാടനം ചെയ്യും. എന്‍.എം ഹുസൈന്‍ ഹാജിയുടെ സഹപ്രവര്‍ത്തകരായിരുന്ന 15പേരെ ചടങ്ങില്‍ പി.കെ ബഷീര്‍ എം.എല്‍.എ ആദരിക്കും. എം.എസ്.എഫ് സംസ്ഥാന പ്രസിഡന്റ് മിസ്അബ് കിഴരിയൂര്‍ മുഖ്യപ്രഭാഷണം നടത്തും.
മുന്‍ എം.എല്‍.എമാരായ സി. മോയിന്‍കുട്ടി, വി.എം ഉമ്മര്‍, മുസ്‌ലിംലീഗ് ജില്ലാ സെക്രട്ടറി സി.പി ചെറിയ മുഹമ്മദ്, യൂത്ത്‌ലീഗ് സംസ്ഥാന സെക്രട്ടറി പി.ജി മുഹമ്മദ്, കെ.വി അബ്ദുറഹ്മാന്‍, വി.കെ ഹുസൈന്‍ കുട്ടി, ജില്ലാ പഞ്ചായത്തംഗം സി.കെ ഖാസിം, യു. അബ്ദുല്ല ഫാറൂഖി, സിദ്ദീഖ് പുറായില്‍ തുടങ്ങിയവര്‍ പങ്കെടുക്കും.
വാര്‍ത്താ സമ്മേളനത്തില്‍ അബൂബക്കര്‍ നടുക്കണ്ടി, വി.പി കരീം, എന്‍.പി ഖാസിം, വി.പി നിസാം, വി.പി ഷഫീഖ്, മുട്ടാത്ത് കരീം എന്നിവര്‍ പങ്കെടുത്തു.