കണ്ണൂര്‍: മൃഗീയമായി പീഡിപ്പിക്കപ്പെടുന്ന റോഹിംഗ്യന്‍ മുസ്‌ലിംകള്‍ക്ക് വേണ്ടി പ്രത്യേക പ്രാര്‍ഥന നടത്തണമെന്ന് സമസ്ത സെക്രട്ടറി പി.പി മുസ്‌ലിയാര്‍. സാംസ്‌കാരിക നായകന്മാരും മാധ്യമങ്ങളും ഈ വിഷയത്തില്‍ കണ്ണടച്ച് ഇരുട്ടാക്കുകയാണെന്നും അദ്ദേഹം പറഞ്ഞു. ജില്ലാ ജംഇയ്യത്തുല്‍ മുഅല്ലിമീന്‍ സംഘടിപ്പിച്ച പ്രാര്‍ഥനാ സദസ് പറാട് നൂറുല്‍ ഹുദാ മദ്‌റസയില്‍ ഉദ്ഘടനം ചെയ്യുകയായിരുന്നു അദ്ദേഹം. ഹംസ ദാരിമി അധ്യക്ഷനായി. സകരിയ ദാരിമി, അര്‍.വി അബൂബക്കര്‍ യമാനി, കുഞ്ഞമ്മദ്, ആര്‍.വി ഇല്ല്യാസ് ദാരിമി, എന്‍ മുഹമ്മദ് മുസ്‌ലിയാര്‍, അബ്ദുല്‍ റഹ്മാന്‍ മിസ്ബാഹി പാനൂര്‍, ഫൈസല്‍ മാക്കൂല്‍ പീടിക സംസാരിച്ചു.