പറവൂര്‍: ഹെസ്‌കൂള്‍ വിഭാഗം അറബനമുട്ടില്‍ ആലുവ ബാപ്റ്റിസ്റ്റ് സെന്റ് ജോണ്‍സ് ഹൈസ്‌കൂള്‍ ഒന്നാംസ്ഥാനം കരസ്ഥമാക്കി. കഴിഞ്ഞ അഞ്ച് വര്‍ഷം തുടര്‍ച്ചയായി അറബനമുട്ടില്‍ ബാപ്റ്റിസ്റ്റ് സ്‌കൂള്‍ ജേതാക്കളാണ്. സംസ്ഥാനതലത്തില്‍ എ ഗ്രേഡോടെ രണ്ടുതവണ രണ്ടാം സ്ഥാനവും നേടിയിട്ടുണ്ട്.
എട്ട് ടീമുകള്‍ മാറ്റുരച്ച മത്സരത്തില്‍ എറണാകും മഹാരാജാസ് കോളജ് എം.എ വിദ്യാര്‍ഥികൂടിയായ ഹാഷിം കടുപ്പാടത്തിന്റെ ശിഷ്യരാണ് വിജയികളായത്.
ഹാഷിം കടൂപ്പാടം ചിട്ടപ്പെടുത്തിയെടുത്ത ബൈത്തുകളും അറബനമുട്ടിന് ഇമ്പമേകി. വെള്ള കുപ്പായവും തലേക്കെട്ടുമൊക്കെയായി എത്തിയ മത്സരാര്‍ഥികള്‍ വിഷവിധാനത്തിലും പുതുമ നിലനിര്‍ത്തി.