കരിവെള്ളൂര്‍: കരിവെള്ളൂര്‍ മുച്ചിലോട്ട് പെരുങ്കളിയാട്ടത്തോടനുബന്ധിച്ച് കലവറ നിറക്കല്‍ ഘോഷയാത്ര നടന്നു. പാലക്കുന്ന് പാട്ടിയമ്മ എ.യു.പി സ്‌കൂള്‍ പരിസരത്ത് നിന്നാരംഭിച്ച ഘോഷയാത്ര ക്ഷേത്ര സന്നിധിയില്‍ അവസാനിച്ചു.
പ്രാദേശിക കേന്ദ്രങ്ങളില്‍ നടത്തിയ ജൈവ പച്ചക്കറി കൃഷിയുടെ വിളവെടുപ്പുത്സവത്തിനു ശേഷമുള്ള കലവറ നിറക്കല്‍ ഘോഷയാത്ര ക്ഷേത്രം സ്ഥാനീകരും കോയ്മമാരും സംഘാടകസമിതി ഭാരവാഹികളും ചേര്‍ന്ന് സ്വീകരിച്ചു. പെരിങ്ങോം പ്രാദേശിക കമ്മിറ്റി, ഓണക്കുന്ന്, ഈയ്യക്കാട്, ചന്തേര, കൂക്കാനം, പെരളം കട്ടച്ചേരി, പുത്തിലോട്ട്, വെള്ളച്ചാല്‍, പലിയേരി, വടക്കുമ്പാട്, പിലിക്കോട്, പെരിങ്ങോം തുടങ്ങി 14 പ്രാദേശിക കമ്മിറ്റിയുടെ നേതൃത്വത്തിലാണ് ഘോഷയാത്ര നടന്നത്. ഏഴു മുതല്‍ 12 വരെയാണ് പെരുങ്കളിയാട്ടം.