മണ്ണാര്‍ക്കാട്: മണ്ണാര്‍ക്കാട് നിയോജകമണ്ഡലത്തില്‍ രണ്ട് ഗ്രാമപഞ്ചായത്തുകളിലെ രണ്ട് വാര്‍ഡുകളില്‍ നടന്ന ഉപതെരഞ്ഞെടുപ്പില്‍ കനത്ത പോളിങ്. കോട്ടോപ്പാടം ഗ്രാമപഞ്ചായത്തിലെ ഏഴാം വാര്‍ഡ് അമ്പാഴക്കോട് 88 ശതമാനവും, തെങ്കര ഗ്രാമപഞ്ചായത്തിലെ 14ാം വാര്‍ഡ് പുഞ്ചക്കോടില്‍ 86 ശതമാനം പോളിങ്ങുമാണ് നടന്നത്. കോട്ടോപ്പാടം ഉപതെരഞ്ഞെടുപ്പില്‍ ഗഫൂര്‍ കോല്‍ക്കളത്തില്‍ (യു.ഡി.എഫ്), പറമ്പത്ത് ആഷിഫ് (എല്‍.ഡി.എഫ്), സുര്യാനന്ദ് (ബി.ജെ.പി) മൂന്ന് സ്ഥാനാര്‍ഥികളാണുളളത്. തെങ്കരയിലെ ഉപതിരഞ്ഞെടുപ്പില്‍ സി.ഉഷ (യു.ഡി.എഫ്), ഇന്ദിര (എല്‍.ഡി.എഫ്), ഷീജ (ബി.ജെ.പി എന്നിവരാണ് സ്ഥാനാര്‍ഥികള്‍. വ്യാഴാഴ്ച രാവിലെ എട്ടു മുതല്‍ അതാത് ഗ്രാമപഞ്ചായത്ത് ഓഫിസുകളില്‍ വോട്ടണ്ണല്‍ നടക്കും.