പട്ടിക്കാട്: മതപഠന രംഗത്തും പ്രബോധന പ്രചാരണ രംഗത്തും പൂര്‍വികരുടെ മാതൃക പിന്തുടരണമെന്ന് സമസ്ത കേരള ജംഇയ്യത്തുല്‍ ഉലമാ ട്രഷറര്‍ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍. പട്ടിക്കാട് ജാമിഅയില്‍ ആരംഭിച്ച പണ്ഡിത ദര്‍സിന്റെ ഉദ്ഘാടനം നിര്‍വഹിക്കുകയായിരുന്നു തങ്ങള്‍. മതപഠനത്തിനായി കടുത്ത ത്യാഗങ്ങള്‍ സഹിക്കാന്‍ പൂര്‍വികര്‍ സന്നദ്ധരായിരുന്നു. ഉന്നത പണ്ഡിതന്‍മാര്‍പോലും സംശയനിവാരണത്തിന് ശരിയായ ജ്ഞാനമുള്ളവരെ തേടിപ്പോയിരുന്ന പാരമ്പര്യം നിലനിര്‍ത്തണമെന്നും തങ്ങള്‍ കൂട്ടിച്ചേര്‍ത്തു.