മടിക്കേരി: പതിനൊന്നു വര്‍ഷം മുന്‍പ് കുടകിനെ നടുക്കിയ കൊലപാതക കേസില്‍ വിചാരണ നേരിടുന്ന നാലു പ്രതികളെ ജീവപര്യന്തം തടവിന് കോടതി ശിക്ഷിച്ചു.
വാഹനത്തില്‍ പോവുകയായിരുന്ന മടിക്കേരി സ്വദേശി മണ്ടേട്ടിറ ബൊപ്പണയെ ചെയിന്‍ ഗേറ്റില്‍ തടഞ്ഞശേഷം വെടിവയ്ക്കുകയും കത്തികൊണ്ട് വെട്ടി കൊലപ്പെടുത്തുകയും ചെയ്ത കേസിലാണ് കോടതി ശിക്ഷ വിധിച്ചത്.
ഒന്നാംപ്രതി എ മഹേഷ്, രണ്ടാംപ്രതി അരുണ, മറ്റു പ്രതികളായ എം മഹേഷ്, യു ദിനേഷ് എന്നിവരെയാണ് ജീവപര്യന്തം തടവിനും 5000 രൂപ പിഴയും അടയ്ക്കാന്‍ ജില്ലാസെഷന്‍സ് കോടതി വിധിച്ചത്.