കോട്ടയം : സംസ്ഥാന ഹജ്ജ് കമ്മറ്റി വഴി ഈ വര്‍ഷം പരിശുദ്ധ ഹജ്ജ് കര്‍മ്മത്തിന് പുറപ്പെടാന്‍ ഉദ്ദേശിക്കുന്ന ഹാജിമാര്‍ക്ക് ആവശ്യമായ അപേക്ഷാ ഫോറം തയ്യാറാക്കാന്‍ സംസ്ഥാന ഹജ്ജ് കമ്മറ്റിയും അനുഗ്രഹാ ചാരിറ്റിബിള്‍ സൊസൈറ്റിയും സംയുക്തമായി കോട്ടയം എം.സി റോഡിലുള്ള അറഫ ടവറില്‍ പ്രവര്‍ത്തിക്കുന്ന അനുഗ്രഹാ ചാരിറ്റബിള്‍ സൊസൈറ്റി ഓഫീസില്‍ സൗകര്യമൊരുക്കി.
സഹായ കേന്ദ്രത്തിന്റെ ഉദ്ഘാടനം തിരുവഞ്ചൂര്‍ രാധാകൃഷ്ണന്‍ എം.എല്‍.എ നിര്‍വഹിച്ചു. സംസ്ഥാന ഹജ്ജ് കമ്മിറ്റി ട്രഷറര്‍ അജി മുഹമ്മദ് പരിശീലന ക്ലാസ് നടത്തി.
തിരുനക്കര പുത്തന്‍പള്ളി ചീഫ് ഇമാം മഅ്മൂന്‍ ഹുദവി, ഇമാം കെ.എം ത്വാഹാ മൗലവി , താജ് ജുമാമസ്ജിദ് ഇമാം ഫൈസല്‍ കാസിമി, പി.ഒ അബ്ദുള്‍ സലാം എന്നിവര്‍ സംസാരിച്ചു. സി.കെ അബ്ദുള്‍ റഷീദ് അധ്യക്ഷനായിരുന്നു. എം.കെ സദക്കത്തുല്ല പ്രാര്‍ത്ഥന നടത്തി.