കോഴിക്കോട്: സസ്സക്‌സ് ക്രിക്കറ്റ് അക്കാദമി സംഘടിപ്പിക്കുന്ന സംസ്ഥാന ക്രിക്കറ്റ് ടൂര്‍ണമെന്റ് ഫെബ്രുവരി ഒന്ന് മുതല്‍ 12 വരെ ചാത്തമംഗലം എന്‍.ഐ.ടി ഗ്രൗണ്ടില്‍ നടക്കും.
പിങ്ക് ബാഷ് എന്ന പേരില്‍ പ്ലേവെല്‍ ട്രോഫിക്കായി സംഘടിപ്പിക്കുന്ന ടൂര്‍ണമെന്റില്‍ എസ്.ബി.ടി, ഏജീസ് ഓഫിസ്, കെ.സി.എ കോളജ് അക്കാദമി തുടങ്ങിയ കേരള ക്രിക്കറ്റ് അസോസിയേഷന്‍ അംഗീകാരമുള്ള ഇരുപതോളം ടീമുകള്‍ പങ്കെടുക്കുമെന്ന് സംഘാടകര്‍ വാര്‍ത്താസമ്മേളനത്തില്‍ അറിയിച്ചു. വിജയികള്‍ക്ക് 50000 രൂപയും ട്രോഫിയും റണ്ണേഴ്‌സപ്പിന് 30000 രൂപയും ട്രോഫിയും സെമി ഫൈനലിസ്റ്റുകള്‍ക്ക് 75000 രൂപയുമാണ് നല്‍കുക. വാര്‍ത്താസമ്മേളനത്തില്‍ ഡോ. എ.എം നജീബ്, സി. സന്തോഷ് കുമാര്‍, കീര്‍ത്തന്‍, നമിത്ത് സംബന്ധിച്ചു.