ജിദ്ദ: എയര്‍ ഇന്ത്യ എക്‌സ്പ്രസ് റിയാദില്‍ നിന്ന് തിരുവനന്തപുരത്തേക്ക് സര്‍വിസ് ആരംഭിക്കുന്നു.
നിലവില്‍ കോഴിക്കോട്ടേക്കുള്ള സര്‍വിസാണ് 16 മുതല്‍ തിരുവനന്തപുരത്തേക്ക് നീട്ടുന്നതെന്ന് എയര്‍ ഇന്ത്യ റിയാദ് സ്റ്റേഷന്‍ മാനേജര്‍ കുന്ദന്‍ലാല്‍ ഗൊത്തുവാള്‍ അറിയിച്ചു. ആഴ്ചയില്‍ നാല് സര്‍വിസാണ് തുടക്കത്തിലുണ്ടാകുക. തിങ്കള്‍, ബുധന്‍, വെള്ളി, ഞായര്‍ ദിവസങ്ങളില്‍ ഉച്ചയ്ക്കുശേഷം 1.15ന് റിയാദില്‍ നിന്ന് പുറപ്പെടുന്ന വിമാനം രാത്രി 8.45ന് കോഴിക്കോട്ടെത്തും. അവിടെനിന്ന് 10.50ന് പുറപ്പെട്ട് 11.45ന് തിരുവനന്തപുരത്തെത്തും. തിരികെ രാവിലെ ഏഴിനാണ് തിരുവനന്തപുരത്ത് നിന്ന് വിമാനം. 7.55ന് കോഴിക്കോട്ടെത്തെി 11.45ഓടെ റിയാദിലെത്തും.
അതിനിടെ, ഫെബ്രുവരി 18 മുതല്‍ ശനിയാഴ്ചയുംകൂടി ഉള്‍പ്പെടുത്തി കോഴിക്കോട് റിയാദ് എയര്‍ ഇന്ത്യ എക്‌സ്പ്രസ് സര്‍വിസുകളുടെ എണ്ണം അഞ്ചാക്കി ഉയര്‍ത്തും. നിലവില്‍ നാലു ദിവസമാണ് വിമാനം സര്‍വിസ് നടത്തുന്നത്. തിങ്കള്‍, വെള്ളി, ശനി, ഞായര്‍ ദിവസങ്ങളിലാണ് സര്‍വിസ് നടത്തുക.