പെരുമ്പിലാവ്: കോട്ടോല്‍ വലിയുല്ലാഹി ബീരാവുണ്ണി മുസ്‌ലിയാര്‍ സ്മാരക സ്വാബിരിയ ദര്‍സ് ആന്‍ഡ് തഹ്ഫീലുല്‍ ഖുര്‍ആന്‍ കോളജ് നാരിയത്ത് സ്വലാത്ത് വാര്‍ഷിക സംഗമം ഇന്ന്.
പന്ത്രണ്ട് മണിക്ക് പാണക്കാട് സയ്യിദ് ഹൈദരലി ശിഹാബ് തങ്ങള്‍ കോട്ടോല്‍ വലിയുല്ലാഹി ബീരാവുണ്ണി മുസ്‌ലിയാര്‍ സ്മാരക സ്വാബിരിയ ദര്‍സ് ആന്‍ഡ് തഹ്ഫീളുല്‍ ഖുര്‍ആന്‍ കോളജിന്റെ തറക്കല്ലിടല്‍ കര്‍മം നിര്‍വഹിക്കും. വൈകീട്ട് നടക്കുന്ന മതസൗഹാര്‍ദ്ദ സംഗമം കുന്നംകുളം സി.ഐ രാജേഷ് കെ. മേനോന്‍ ഉദ്ഘാടനം ചെയും. സ്വാമി അവ്വയാനന്ദ, ഫാദര്‍ സി.റ്റി. ജേക്കബ്, തുടങ്ങിയവര്‍ പ്രഭാഷണങ്ങള്‍ നടത്തും. എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ മുഖ്യപ്രഭാഷണം നിര്‍വഹിക്കും. ഉപദേശകസമിതി ചെയര്‍മാന്‍ കെ.എ ഫസലു റഹ്മാന്‍ അധ്യക്ഷത വഹിക്കുന്ന ചടങ്ങില്‍ സാമൂഹിക-സാംസ്‌കാരിക രംഗത്തെ പ്രമുഖര്‍ പങ്കെടുക്കും. സംഗമത്തിന്റെ ഭാഗമായുള്ള പ്രവര്‍ത്തനങ്ങള്‍ക്കായി 101 അംഗ സ്വാഗതസംഘത്തെ രൂപീകരിച്ചിട്ടുണ്ട്.
കോട്ടോല്‍ മഹല്ല് ഖത്തീബ് കെ.കെ സുലൈമാന്‍ അന്‍വരി ചെയര്‍മാനും മഹല്ല് സെക്രട്ടറി ഇ.എ ഹനീഫ ഹാജി കണ്‍വീനറുമായുള്ള കമ്മിറ്റിയാണ് പ്രവര്‍ത്തനങ്ങള്‍ക്ക് നേതൃത്വം നല്‍കുന്നത്.