മാള: ശ്രേഷ്ട ഭാഷയായ മലയാളത്തില്‍ മികവ് പുലര്‍ത്തുന്ന ജില്ലയിലെ എല്‍.പി ക്ലാസ്സുകളില്‍ പഠിക്കുന്ന വിദ്യാര്‍ഥികളെ വേദിക സാംസ്‌കാരിക സമിതിയുടെ ആഭിമുഖ്യത്തില്‍ വിദ്യാഭ്യാസ പുരസ്‌കാരം നല്‍കി ആദരിച്ചു.
സമിതിയുടെ ആഭിമുഖ്യത്തില്‍ വര്‍ഷം തോറും നല്‍കി വരുന്ന കുഞ്ഞുണ്ണിമാഷ് പുരസ്‌കാരം ചാലക്കുടി സി.കെ.എം. എന്‍.എസ്.എസ് ഹയര്‍ സെക്കന്‍ഡറി സ്‌കൂള്‍ ഓഡിറ്റോറിയത്തില്‍ വച്ചാണ് വിതരണം നടത്തിയത്. ചലചിത്ര പ്രവര്‍ത്തകനായ സേതു പാലിയത്ത്, ശ്രീനിവാസന്‍ കോവാത്ത്, രാജന്‍ മേനോന്‍ മഠത്തിപ്പാട്ട് എന്നിവര്‍ ചേര്‍ന്ന് പുരസ്‌കാര വിതരണം നടത്തി. കെ.എസ് അനന്തലക്ഷ്മി ടീച്ചര്‍ കുഞ്ഞുണ്ണിമാഷെക്കുറിച്ച് വിശദീകരണവും പ്രശ്‌നോത്തരിയും നടത്തി. വേദിക രക്ഷാധികാരി ആര്‍.കെ ദാമോദരന്‍, പ്രസിഡന്റ് സജീവന്‍ നമ്പിയത്ത് തുടങ്ങിയവര്‍ സംസാരിച്ചു.