ഗസിയാബാദ് (യു.പി): ഗസിയാബാദില്‍ കെട്ടിടം തകര്‍ന്ന് ഒരു കുടുംബത്തിലെ അഞ്ചു പേര്‍ മരിച്ചു. ഉത്തര്‍പ്രദേശിലെ ഗസിയാബാദിലുള്ള ലോണിയിലാണ് സംഭവം. മരിച്ചവരില്‍ മൂന്നു കുട്ടികളും രണ്ട് സ്ത്രീകളും ഉള്‍പ്പെടുന്നു. ഇന്ന് പുലര്‍ച്ചെയാണ് കെട്ടിടം തകര്‍ന്നുവീണത്.

കെട്ടിടത്തില്‍ ഏകദേശം 12ഓളം ആളുകള്‍ താമസിക്കുന്നതായാണ് വിവരം. ബാക്കിയുള്ളവര്‍ കെട്ടിടാവശിഷ്ടങ്ങള്‍ക്കിടയില്‍ കുടുങ്ങിയിരിക്കാനാണ് സാധ്യതയെന്ന് അധികൃതര്‍ അറിയിച്ചു. ഒരു സ്‌ഫോടനത്തിന്റെ ശബ്ദത്തോടെയാണ് കെട്ടിടം തകര്‍ന്നുവീണതെന്ന് അയല്‍വാസികള്‍ പറഞ്ഞു.