മുക്കം: മുസ്‌ലിം യൂത്ത് ലീഗ് പഞ്ചായത്ത് തലങ്ങളില്‍ ഇന്നലെ സംഘടിപ്പിച്ച ക്യൂ വലയം നോട്ടു നിരോധനത്താല്‍ ജനം അനുഭവിക്കുന്ന ദുരിതങ്ങളുടെ നേര്‍ക്കാഴ്ചയായി. യൂത്ത്‌ലീഗ് കാരശ്ശേരി പഞ്ചായത്ത് കമ്മിറ്റി നോര്‍ത്ത് കാരശ്ശേരിയില്‍ സംഘടിപ്പിച്ച ക്യൂ വലയം യൂത്ത് ലീഗ് ജില്ലാ സെക്രട്ടറി എം.ടി സെയ്ത് ഫസല്‍ ഉദ്ഘാടനം ചെയ്തു.
യൂത്ത് ലീഗ് പഞ്ചായത്ത് പ്രസിഡന്റ് ഗസീബ് ചാലൂളി അധ്യക്ഷനായി. യൂനുസ് പുത്തലത്ത് മുഖ്യപ്രഭാഷണം നടത്തി. മുസ്‌ലിം ലീഗ് പഞ്ചായത്ത് പ്രസിഡന്റ് കെ. കോയ, ജന. സെക്രട്ടറി അബ്ദുല്‍ ബര്‍റ്, ശിഹാബ് കറുത്തപറമ്പ്, എം.ടി മുഹ്‌സിന്‍, ടി.പി അഷ്‌റഫലി, യാസര്‍ ചാലൂളി പ്രസംഗിച്ചു. കൊടിയത്തൂര്‍ പഞ്ചായത്ത് കമ്മിറ്റി സംഘടിപ്പിച്ച ക്യൂ വലയം മണ്ഡലം ലീഗ് പ്രസിഡന്റ് കെ.വി അബ്ദുറഹിമാന്‍ ഉദ്ഘാടനം ചെയ്തു.
സലിം കൊളായി അധ്യക്ഷനായി. എന്‍.കെ അഷ്‌റഫ്, മജീദ് പുതുക്കുടി, വി.പി.എ ജലീല്‍, നിസാം കാരശ്ശേരി, എസ്.എ നാസര്‍, ശരീഫ് അക്കരപറമ്പ്, എ.കെ റാഫി, മന്‍സൂര്‍ എസ്, മന്‍സൂര്‍ ടി.പി, ശാബൂസ് അഹമ്മദ്, എന്‍. ജമാല്‍, ശാജു റഹ്മാന്‍, നിയാസ് ചെറുവാടി, വൈത്തല അബൂബക്കര്‍ സംസാരിച്ചു. കെ.വി നവാസ് സ്വാഗതവും കെ.കെ ഫിറോസ് നന്ദിയും പറഞ്ഞു.