പുതിയതെരു: പുഴാതി പയറ്റികാവിലെ രണ്ട് വീടുകളില്‍ നിന്നായി 35 പവന്‍ സ്വര്‍ണം കവര്‍ന്നു. അല്‍മാസ് മന്‍സിലില്‍ റുബീനയുടെ വീട്ടില്‍ നിന്ന് 25 പവനും അഡ്വ. ലേഖയുടെ വീട്ടില്‍ നിന്ന് പത്തു പവനും മോഷണം പോയി.
അയല്‍വാസികളായ ഇരുവരും ജോലിക്ക് ശേഷം വീട്ടില്‍ മടങ്ങിയെത്തിയപ്പോഴാണ് കവര്‍ച്ച ശ്രദ്ധിക്കപ്പെട്ടത്. ഇരുവരുടെയും വീട്ടിലെ അലമാരയില്‍ സൂക്ഷിച്ച സ്വര്‍ണമാണ് നഷ്ടപ്പെട്ടത്. അലമാര താക്കോല്‍ ഉപയോഗിച്ചാണ് തുറന്നിട്ടുള്ളത്.
ഇരുവരും വളപട്ടണം പൊലിസില്‍ പരാതി നല്‍കി. മോഷണത്തില്‍ സംശയമുള്ള ഒരാളെ പൊലിസ് കസ്റ്റഡിയിലെടുത്ത് ചോദ്യം ചെയ്ത് വരുന്നുണ്ട്.