ആലത്തൂര്‍: വരള്‍ച്ചാ കെടുതി അനുഭവിക്കുന്ന എല്ലാ കര്‍ഷകര്‍ക്കും വിള ഇന്‍ഷുറന്‍സ് ഉള്‍പ്പെടെയുള്ള സാമ്പത്തിക സഹായം ലഭ്യമാക്കണമെന്ന് താലൂക്ക് വികസന സമിതി യോഗം ആവശ്യപ്പെട്ടു. താലൂക്ക് പരിധിയിലെ തോടുകളില്‍ അനധികൃതമായി നിര്‍മിച്ചിട്ടുള്ള മുഴുവന്‍ ബണ്ടുകളും തുറന്നുവിടുവാനും ആലത്തൂര്‍ സബ്ട്രഷറിയില്‍ പെന്‍ഷന്‍കാര്‍ക്ക് വിതരണത്തിന്ന് ആവശ്യമായ പണം ലഭ്യമാക്കുവാനും തരൂര്‍ പഞ്ചായത്തിലെ അത്തിപ്പൊറ്റ തോടുകാട് റോഡിന്റെ ശോച്യവസ്ഥ പരിഹരിക്കണമെന്നും മംഗലം ഡാം കടപ്പാറ ആദിവാസി കോളനിയിലെ കുടിവെള്ള പ്രശ്‌നം പരിഹരിക്കണമെന്നും ആവശ്യപ്പെട്ടു. കെ.ഡി. പ്രസേനന്‍ എം.എല്‍.എ. അധ്യക്ഷനായി. കാവശ്ശേരി ഗ്രാമ പഞ്ചായത്ത് പ്രസിഡന്റ് ഭാമ, തഹസില്‍ദാര്‍ എം.കെ. അനില്‍ കുമാര്‍, അഡീഷണല്‍ തഹസില്‍ദാര്‍ പി.എ. വിഭൂഷണന്‍, പി. ജനാര്‍ധനന്‍, വികസന സമിതി അംഗങ്ങള്‍ പങ്കെടുത്തു.