തൃക്കരിപ്പൂര്‍: റെഡ്സ്റ്റാര്‍ ഇളമ്പച്ചി, മെട്ടമ്മല്‍ ബ്രദേഴ്‌സ് എന്നിവര്‍ സംയുക്തമായി സംഘടിപ്പിക്കുന്ന ഒരു ലക്ഷം രൂപയുടെ സ്വര്‍ണ്ണകപ്പിനുള്ള മൂന്നാമത് ഇളമ്പച്ചി സെവന്‍സിന് ഇന്നു കിക്കോഫ്. ആദ്യ മത്സരത്തില്‍ റെഡ്‌ഫോഴ്‌സ് കൊയോങ്കര, ബ്രദേഴ്‌സ് കൊയപ്പാറയുമായി ഏറ്റുമുട്ടും.
ഫെബ്രുവരി അഞ്ചുവരെ ഇളമ്പച്ചി വി.പി.എം അബ്ദുല്‍ അസീസ് മാസ്റ്റര്‍ സ്മാരക ഫ്‌ളഡ്‌ലിറ്റ് സ്റ്റേഡിയത്തില്‍ ഫുട്‌ബോള്‍ മാമാങ്കത്തിന്റെ ആരവമുയരും. വൈകീട്ട് ഏഴിന് എം രാജഗോപാലന്‍ എം.എല്‍.എ ഉദ്ഘാടനം ചെയ്യും. ടൂര്‍ണമെന്റില്‍ സംസ്ഥാനത്തെ സെവന്‍സ് ഫുട്ബാള്‍ അസോസിയേഷന്‍ അംഗീകാരമുള്ള ഇരുപതോളം ടീമുകള്‍ മാറ്റുരക്കാനെത്തും.