അങ്കമാലി: ചരിത്രപഠനത്തിലൂടെയാണ് ഒരു വ്യക്തിയും സമൂഹവും തങ്ങളുടെ തനിമയും നിലപാടും വ്യക്തമായി അറിയുന്നതെന്ന് ബിഷപ് മാര്‍ ഗ്രിഗറി കരോട്ടമ്പ്രേല്‍. അതുകൊണ്ടുതന്നെ ചരിത്രപഠനം ഏതൊരു സമൂഹത്തിന്റേയും അനിവാര്യതയാണെന്നും അദ്ദേഹം പറഞ്ഞു.
അങ്കമാലി കിഴക്കേ പള്ളിയില്‍ സംഘടിപ്പിച്ച മാര്‍ ഏബ്രഹാം സിമ്പോസിയം സംലാപം2017 ഉദ്ഘാടനം ചെയ്യുകയായിരുന്നു ബിഷപ്.
റവ. ഡോ. കെ.എസ്. മാത്യു, പ്രഫ. സ്‌കറിയ സക്കറിയ എന്നിവര്‍ പ്രബന്ധം അവതരിപ്പിച്ചു. ബസിലിക്ക റെക്ടര്‍ റവ.ഡോ. കുര്യാക്കോസ് മുണ്ടാടന്‍ ആമുഖപ്രഭാഷണം നടത്തി. ബസിലിക്ക ഫാമിലി യൂണിയന്‍ വൈസ് ചെയര്‍മാന്‍ ജിബി വര്‍ഗീസ് സ്വാഗതം പറഞ്ഞു. പാനല്‍ ചര്‍ച്ചയില്‍ ബിഷപ് മാര്‍ ഗ്രേഷ്യന്‍ മുണ്ടാടന്‍ ആമുഖപ്രഭാഷണം നടത്തി.
റവ.ഡോ. ഇഗ്‌നേഷ്യസ് പയ്യപ്പിള്ളി, പ്രഫ. ജോര്‍ജ് മേനാച്ചേരി, ഡോ. ജെനി പീറ്റര്‍ എന്നിവര്‍ പങ്കെടുത്തു.