എടപ്പാള്‍: നിസ്വാര്‍ഥ സേവനത്തിനുള്ള കൂട്ടായ്മയായി ട്രോമാകെയര്‍ വളണ്ടണ്ടിയേഴ്‌സ് മാതൃകയാകുന്നു. കുളംങ്കര ക്ഷേത്രത്തിലെ താലപ്പൊലി മഹോത്സവത്തിന്റെ ഭാഗമായി കഴിഞ്ഞ രണ്ട് ദിവസമായി 33 വളണ്ടണ്ടിയേഴ്‌സാണ് എടപ്പാളിലും പരിസരങ്ങളിലും സേവന സജ്ജരായി നില്‍ക്കുന്നത്.
പൊന്നാനി സി.ഐയുടെ കീഴില്‍ പ്രവര്‍ത്തിക്കുന്ന യൂനിറ്റാണ് എടപ്പാളില്‍ പ്രവര്‍ത്തനം നടത്തുന്നത്. ഗതാഗതം നിയന്തിക്കാനും സുരക്ഷയൊരുക്കാനും ഇവര്‍ നേതൃത്വം നല്‍കുന്നു. മേഖലയിലെ സ്റ്റേഷനുകളിലെ സിവില്‍ പൊലിസ്  ഓഫിസര്‍മാരുടെ കുറവ് നികത്താന്‍ ഇവരുടെ പ്രവര്‍ത്തനം കൊണ്ട് സാധിക്കുന്നുണ്ട്. ഉത്സവ സീസണ്‍ ആരംഭിച്ചതോടെ ഇവരുടെ സേവനത്തിന്റെ പ്രാധാന്യവും ഏറിവരുന്നു.