കായംകുളം: വീടിനോടു ചേര്‍ന്നുള്ള ഷെഡില്‍ സൂക്ഷിച്ചിരുന്ന ബൈക്ക് മോഷ്ടിച്ചു. കണ്ണമ്പള്ളിഭാഗം കൊല്ലന്റയ്യത്ത് രവി ഫര്‍ണിച്ചര്‍ മാര്‍ട്ട് ഉടമ രവിയുടെ ബൈക്കാണ് കഴിഞ്ഞ ദിവസം രാത്രി മോഷണം പോയത്.
അന്വേഷണത്തിനിടയില്‍ സമീപമുള്ള എന്‍.എസ്.എസ് കരയോഗ കെട്ടിടത്തിനു സമീപമുള്ള വയലിന്റെ അരികില്‍ ചാക്കും പുല്ലുമിട്ട് മറച്ച നിലയില്‍ മറ്റൊരു ബൈക്ക് കണ്ടെത്തി.
കള്ള നമ്പര്‍ എഴുതിയ ബൈക്ക് ആലപ്പുഴ സ്വദേശിയുടെ പേരിലുള്ളതാണെന്നും മോഷ്ടിച്ചു കൊണ്ടു വന്നതാകാമെന്നും പൊലീസ് പറഞ്ഞു. സംശയാസ്പദമായ നിലയില്‍ ഇവിടെയുള്ള തടി മില്ലിനു സമീപം മറ്റൊരു കാറും കണ്ടെത്തിയത് ദുരൂഹത പടര്‍ത്തിയെങ്കിലും സമീപവാസിയായ യുവാവ് ഇന്ധനം തീര്‍ന്ന് വാഹനം കയറ്റി ഇട്ടതാണെന്നു മനസിലായി. സ്ഥലത്തെത്തിയ കായംകുളം പൊലീസ് തെളിവുകള്‍ ശേഖരിച്ച് അന്വേഷണം ആരംഭിച്ചു.