പെരുമ്പാവൂര്‍: റബര്‍ പുരയ്ക്ക് തീപിടിച്ചത് പരിഭ്രാന്തി സൃഷ്ടിച്ചു. രായമംഗലം ഗ്രാമപഞ്ചായത്ത് അഞ്ചാം വാര്‍ഡ് നെല്ലിമോളനത്തിന് സമീപം മരോട്ടിക്കടവില്‍ ഇന്നലെ ഉച്ചയ്ക്ക് 2.30 ഓടെയാണ് സംഭവം. നെല്ലിക്കുന്നത്ത് പുത്തന്‍പുരയില്‍ വീട്ടില്‍ എന്‍.വി ബഹനാന്റെ ഉടമസ്ഥതയിലുള്ള ഷീറ്റ് മേഞ്ഞ് റബര്‍ പുരയാണ് കത്തിയത്.
പെരുമ്പാവൂരില്‍ നിന്നെത്തിയ ഫയര്‍ ഫോഴ്‌സ് സംഘം തീയണച്ചു. അസി.സ്‌റ്റേഷന്‍ ഓഫിസര്‍ എന്‍.എച്ച് അസൈനാരുടെ നേതൃത്വത്തില്‍ ബി.സി ജോഷി, സി.എസ് അനില്‍ കുമാര്‍, പ്രദീപ് കുമാര്‍, പി.ആര്‍ ഉണ്ണികൃഷ്ണന്‍, സാബു തോമസ്, ബി.ഹാഷിം എന്നിവരടങ്ങുന്ന സംഘമാണ് തീയണച്ചത്.