കണ്ണൂര്‍: തന്റെ അച്ഛന്റെ സ്വന്തം നാടായ കണ്ണൂരിലെത്തിയതിന്റെ സന്തോഷവുമായി മധുശ്രീ പാടി സര്‍ഗസാഗരത്തില്‍...പി.കെ ഗോ പി രചിച്ച ഈ ഗാനം മധുശ്രീക്ക്ഹയര്‍സെക്കന്ററി വിഭാഗം ലളിത ഗാനമത്സരത്തില്‍ എഗ്രേഡു നേടിക്കൊടുത്തു. സംസ്ഥാന സ്‌കൂള്‍കലോത്സവത്തില്‍ താരാതിളക്കവുമായാണ് ഇക്കുറി മധുശ്രീയെത്തിയത്. ലെനിന്‍ രാജേന്ദ്രന്‍ സംവിധാനം ചെയ്ത ഇടവപ്പാതിയെന്ന ചിത്രത്തില്‍ മലയാള സിനിമയിലെ മികച്ച പിന്നണിഗായിക. അതും അച്ഛന്റെ സംഗീതസംവിധാനത്തില്‍. തിരുവനന്തപുരം കാര്‍മല്‍ എച്ച്. എസ്. എസില്‍ പ്ലസ്ടൂ വിദ്യാര്‍ഥിനിയാണ് മധുശ്രീ.
അടുത്ത ദിവസം നടക്കുന്ന സംഘഗാനത്തിലും മധുശ്രീ മത്സരിക്കുന്നുണ്ട്. മലയാള സിനിമയിലെ ശ്രദ്ധേയനായ സംഗീതസംവിധായകനായ പണ്ഡിറ്റ് രമേഷ് നാരായണ്‍കൂത്തുപറമ്പ് സ്വദേശിയാണ്. കണ്ണൂര്‍ ആകാശവാണി നിലയത്തിലും ഏറെക്കാലം അദ്ദേഹം ജോലി ചെയ്തിട്ടുണ്ട്.
നവരാത്രി കാലത്ത് കണ്ണൂര്‍ മുനീശ്വരന്‍ കോവിലില്‍ കച്ചേരി നടത്താന്‍ രമേഷ് നാരായണനും കുടുംബവുമെത്താറുണ്ട്. ഹയര്‍സെക്കന്ററി വിഭാഗം ലളിതഗാനത്തില്‍ കീര്‍ത്തന എസ്. കെ( സില്‍വര്‍ ഹില്‍സ് എച്ച്. എസ്. എസ് കോഴിക്കോട്) ഒന്നാം സ്ഥാനവും നവനീത പ്രവീണ്‍(ടി. എച്ച്. എസ് അങ്ങാടിപ്പുറം മലപ്പുറം)രണ്ടാംസ്ഥാനവും നേടി.