കഴക്കൂട്ടം:പ്രായപൂര്‍ത്തിയാകാത്ത പെണ്‍കുട്ടിയെ വാത്സല്യം നടിച്ച് സൈക്കിളില്‍ കൊണ്ടുപോയി മിഠായിയും പലഹാരങ്ങളും വാങ്ങി നല്‍കിയശേഷം പീഡിപ്പിക്കാന്‍ ശ്രമിച്ച മധ്യവയസ്‌കനെ കഴക്കൂട്ടം പൊലിസ് അറസ്റ്റ് ചെയ്തു. കഴക്കൂട്ടത്തിനു സമീപം മേനംകുളം ലിനി വിഹാറില്‍ വിജയ(57)നാണ് അറസ്റ്റിലായത്.
ക്രിസ്മസ് അവധിക്കാലത്താണ് കേസിനാസ്പദമായ സംഭവം നടന്നത്.
കുട്ടിയുടെ വിഷമതകള്‍ കണ്ട് സംശയം തോന്നിയ അധ്യാപിക കുട്ടിയുമായി സംസാരിച്ചപ്പോഴാണ് സംഭവം പുറത്തറിഞ്ഞത്. ഉടന്‍ ചൈല്‍ഡ് ലൈന്‍ പ്രവര്‍ത്തകരെ വിവരം അറിയിക്കുകയായിരുന്നു.
കഴക്കൂട്ടം പൊലിസ് അസി. കമ്മിഷണര്‍ എ. പ്രമോദ് കുമാര്‍, ടെക്‌നോപാര്‍ക്ക് എസ്.ഐ എസ്.അജയ് കുമാര്‍, കഴക്കൂട്ടം എസ് .ഐ നിസാര്‍ , എ.എസ്.ഐ ബിജു, സി .പി .ഒ മാരായ ഗോപാലകൃഷ്ണന്‍, പ്രസാദ്, വനിതാ എസ് ഐ സുജാത, വനിതാ സി പി ഓ ജാസ്മിന്‍ എന്നിവരുള്‍പ്പെട്ട സംഘമാണ് പ്രതിയെ അറസ്റ്റ് ചെയ്തത്.