പെര്‍ത്ത്: പാകിസ്താനെതിരായ മൂന്നാം ഏകദിനത്തില്‍ ആസ്‌ത്രേലിയക്ക് ഏഴു വിക്കറ്റ് ജയം. ആദ്യം ബാറ്റു ചെയ്ത പാകിസ്താന്‍ 50 ഓവറില്‍ ഏഴു വിക്കറ്റ് നഷ്ടത്തില്‍ 263 റണ്‍സെടുത്തപ്പോള്‍ അഞ്ച് ഓവര്‍ ശേഷിക്കേ മൂന്നു വിക്കറ്റ് നഷ്ടത്തില്‍ 265 റണ്‍സെടുത്ത് ഓസീസ് വിജയം സ്വന്തമാക്കി. ജയത്തോടെ അഞ്ചു മത്സരങ്ങളുടെ പരമ്പരയില്‍ ഓസീസ് 2-1നു മുന്നില്‍.
ക്യാപ്റ്റന്‍ സ്റ്റീവന്‍ സ്മിത്ത് പുറത്താകാതെ നേടിയ സെഞ്ച്വറി (108) കരുത്തിലാണ് ഓസീസിന്റെ വിജയം. അരങ്ങേറ്റ ഏകദിനം കളിച്ച പീറ്റര്‍ ഹാന്‍ഡ്‌സ്‌കോംപ് 82 റണ്‍സോടെ നായകനു മികച്ച പിന്തുണ നല്‍കി.
ആദ്യം ബാറ്റ് ചെയ്ത പാകിസ്താന്‍ ബാബര്‍ അസം (84), ഷര്‍ജീല്‍ ഖാന്‍ (50) എന്നിവരുടെ മികവിലാണ് 263 റണ്‍സ് നേടിയത്. ഷൊയ്ബ് മാലിക്കും ഉമര്‍ അക്മലും 39 റണ്‍സ് വീതം നേടി. മൂന്നു വിക്കറ്റ് നേടിയ ജോഷ് ഹേസ്‌ലെല്‍വുഡ് ഓസീസ് ബൗളര്‍മാരില്‍ തിളങ്ങി. സ്മിത്താണു കളിയിലെ കേമന്‍.