ലക്‌നോ: ഉത്തര്‍ പ്രദേശ് നിയമസഭാ തെരഞ്ഞെടുപ്പിനുള്ള സമാജ്‌വാദി പാര്‍ട്ടിയുടെ ആദ്യസ്ഥാനാര്‍ത്ഥി പട്ടിക പുറത്തിറക്കി. ഏറെ നാളായി തുടരുന്ന രാഷ്ട്രീയ നാടകത്തിന് വിരാമമമെന്നോണം 191പേരുടെ പട്ടികയില്‍ ശിവ്പാല്‍ യാദവും ഇടം പിടിച്ചിട്ടുണ്ട്. മുന്‍സംസ്ഥാന അധ്യക്ഷനും മുലായം സിങ്ങിന്റെ സഹോദരനുമായ ശിവ്പാല്‍ ജസ്വന്ത് നഗറിലാണ് മത്സരിക്കുന്നത്.

മുലായം സിങ്ങിനെ കൂടെ കൂട്ടാനുള്ള അഖിലേഷിന്റെ തന്ത്രമായാണ് ഇതിനെ നിരീക്ഷകര്‍ വിലയിരുത്തുന്നത്. മുഖ്യമന്ത്രി അഖിലേഷും ശിവ്പാല്‍ യാദവും തമ്മിലുള്ള പോര് മുലായമും മകനും തമ്മിലുള്ള തര്‍ക്കമായി ഉരുത്തിരിഞ്ഞിരുന്നു.