കല്‍പ്പറ്റ: ഇസ്‌ലാമിലെ അനുഷ്ഠാന കര്‍മങ്ങളില്‍ മുഖ്യമായതും അധികരിച്ച് വന്ന ചെലവും സമയവും ഉപയോഗപ്പെടുത്തി ചെയ്യുന്നതുമായ പരിശുദ്ധ ഹജ്ജ് കര്‍മങ്ങള്‍ സ്വീകാര്യമായി തീരുന്നതിന് കര്‍മങ്ങളില്‍ സൂക്ഷ്മത പാലിക്കണമെന്നും കര്‍മങ്ങള്‍ കുറ്റമറ്റ നിലയില്‍ ആകുന്നതിന് വേണ്ടി ഹാജിമാര്‍ മുന്നൊരുക്കങ്ങള്‍ നടത്തണമെന്നും സമസ്ത ജില്ലാ കമ്മിറ്റി കല്‍പ്പറ്റയില്‍ സംഘടിപ്പിച്ച ഹജ്ജ് പഠന ക്യാംപ് ഹാജിമാരോട് ആവശ്യപ്പെട്ടു.
സമസ്ത കേന്ദ്ര മുശാവറാ മെമ്പര്‍ വി മൂസക്കോയ മുസ്‌ലിയാര്‍ ഉദ്ഘാടനം ചെയ്തു. സമസ്ത ജില്ലാ പ്രസിഡന്റ് കെ.ടി ഹംസ മുസ്‌ലിയാര്‍ അധ്യക്ഷനായി.

എസ് മുഹമ്മദ് ദാരിമി, ആനമങ്ങാട് അബൂബക്കര്‍ മുസ്‌ലിയാര്‍, ഇബ്‌റാഹീം ഫൈസി വാളാട്, ടി.സി അലി മുസ്‌ലിയാര്‍, എം.എം ഇമ്പിച്ചിക്കോയ മുസ്‌ലിയാര്‍, എം.എ ഇസ്മായില്‍ ദാരിമി, കെ.എം ആലി, ജഅ്ഫര്‍ ഹൈതമി, പി.സി ഇബ്‌റാഹീം ഹാജി, ശൗകത്തലി മൗലവി വെള്ളമുണ്ട, കാഞ്ഞായി ഉസ്മാന്‍, കാഞ്ഞായി മമ്മുട്ടി മുസ്‌ലായര്‍, ശംസുദ്ദീന്‍ റഹ്മാനി സംസാരിച്ചു. മുഹമ്മദ് ബാഖവി മുണ്ടപറമ്പ് ക്യാംപിന് നേതൃത്വം നല്‍കി.