കണ്ണൂര്‍: സംസാരം തൃശ്ശൂര്‍ സ്ലാങ്ങിലൊക്കെയാണെങ്കിലും ഹേമന്തും ശരത് ലക്ഷ്മണും വരച്ചുതുടങ്ങിയാല്‍ ആര്‍ട്ടിസ്റ്റു കൂടിയായ അച്ഛന്‍ സന്തോഷിനെ കടത്തിവെട്ടും.
ഹയര്‍ സെക്കന്‍ഡറി വിഭാഗം ഓയില്‍ കളര്‍ മത്സരത്തില്‍ ചേട്ടനായ ടി.എസ് ഹേമന്ത് ഒന്നാംസ്ഥാനവും വാട്ടര്‍ കളറില്‍ എഗ്രേഡും നേടിയപ്പോള്‍ അനിയന്‍ ശരത് ലക്ഷ്മണ്‍ പെന്‍സില്‍ ഡ്രോയിങ്ങില്‍ രണ്ടാംസ്ഥാനവും വാട്ടര്‍കളറില്‍ എഗ്രേഡും നേടിയാണ് അച്ഛന്റെ പാരമ്പര്യം കാത്തത്.

തൃശ്ശൂര്‍ തോപ്പ് സെന്റ് തോമസ് എച്ച്.എസ്.എസില്‍ പ്ലസ് വണ്‍ വിദ്യാര്‍ഥിയായ ശരത് ഹൈസ്‌കൂള്‍ പഠനകാലത്ത് ഓയില്‍ കളറില്‍ രണ്ടുതവണ എഗ്രേഡ് നേടിയിട്ടുണ്ട്.
വില്ലാടം ഗവ.എച്ച്.എസ്.എസില്‍ ഒമ്പതാംക്ലാസ് വിദ്യാര്‍ഥിയായ ഹേമന്ത് ആദ്യമായാണ് സ്‌കൂള്‍ കലോത്സവത്തില്‍ പങ്കെടുക്കുന്നത്.

അച്ഛന്‍ സന്തോഷ് പ്രൊഫഷണല്‍ ആര്‍ട്ടിസ്റ്റാണ്. പെയിന്റിങ്, വുഡ് കാര്‍വിങ്, ഇന്റീരിയര്‍ വര്‍ക്കുകളും ചെയ്യുന്ന സന്തോഷാണ് ചിത്രരചനയില്‍ ഹേമന്ദിന്റെയും ശരതിന്റെയും ഗുരു. അമ്മ ധന്യ.