കൊപ്പം: പട്ടിക്കാട് ജാമിഅ നൂരിയ്യ അഫിലിയേറ്റഡ് സ്ഥാപനമായ കൊപ്പം ഇര്‍ശാദുല്‍ അനാം ശരീഅത്ത് കോളജിന്റെ ഏഴാമത് വാര്‍ഷിക സമ്മേളനത്തോടനുബന്ധിച്ച് സംഘടിപ്പിക്കുന്ന അഖില കേരള ഖുര്‍ആന്‍ പാരായണ മത്സരത്തിന് അപേക്ഷ ക്ഷണിച്ചു. ഫെബ്രുവരി 11 ന് നടക്കുന്ന മത്സരത്തില്‍ ഒന്ന്, രണ്ട്, മൂന്ന് സ്ഥാനക്കാര്‍ക്ക് യഥാക്രമം 10000,7500,5000 രൂപ വീതം ക്യാഷ് അവാര്‍ഡുകള്‍ നല്‍കും. സമസ്തയുടെ കീഴിലുള്ള സ്ഥാപനങ്ങളിലെയും ദര്‍സുകളിലെയും വിദ്യാര്‍ഥികള്‍ക്ക് അപേക്ഷിക്കാം. അപേക്ഷാ ഫോറത്തിനും വിശദവിവരങ്ങള്‍ക്കും 9567253101, 8943034467 എന്നീ നമ്പറുകളില്‍ വാട്‌സ്ആപ്പ് മുഖേന ബന്ധപ്പെടണം.