നരിക്കുനി: ഫ്‌ളവേഴ്‌സ് ടി.വി കോമഡി ഉത്സവിലേക്ക് സെലക്ഷന്‍ ലഭിച്ച മിമിക്രി താരം അഭിലാഷിന് അക്ഷര സാംസ്‌കാരിക വേദിയുടെ ആഭിമുഖ്യത്തില്‍ പൗരസ്വീകരണം നല്‍കി. കൊടുവള്ളി മണ്ഡലം എം.എല്‍.എ കാരാട്ട് റസാഖ് ഉദ്ഘാടനം ചെയ്തു. നരിക്കുനി പഞ്ചായത്ത് വൈസ് പ്രസിഡണ്ടന്റ് പി. അബ്ദുല്‍ ജബ്ബാര്‍ മാസ്റ്റര്‍ അധ്യക്ഷനായി. പി. വിജയന്‍ മാസ്റ്റര്‍ മുഖ്യ പ്രഭാഷണം നടത്തി. കെ. അന്‍സാര്‍, വി. അപ്പു നായര്‍, പി. അനില്‍കുമാര്‍, പി.എം സന്തോഷ്, പി.എം ഷംസുദ്ദീന്‍ സംസാരിച്ചു. ചടങ്ങില്‍ തെയ്യം കലാകാരന്‍ രാജു പാറന്നൂര്‍, ഗായകന്‍ സാലിം എരവന്നൂര്‍, പി. എം സാജു എന്നിവരെ അനുമോദിച്ചു.