കല്‍പ്പറ്റ: കര്‍ഷക കോണ്‍ഗ്രസ് ജില്ലാ കമ്മിറ്റിയുടെ ആഭിമുഖ്യത്തില്‍ നാളെ കര്‍ഷക സംഗമം നടത്തുമെന്ന് ഭാവാഹികള്‍ വാര്‍ത്താ സമ്മേളനത്തില്‍ അറിയിച്ചു.
മീനങ്ങാടി ചോളയില്‍ ഓഡിറ്റോറിയത്തില്‍ നടക്കുന്ന പരിപാടി രാവിലെ ഒന്‍പതിന് മുന്‍മുഖ്യമന്ത്രി ഉമ്മന്‍ചാണ്ടി ഉദ്ഘാടനം ചെയ്യും. എന്‍.ഡി അപ്പച്ചന്‍ അധ്യക്ഷനാവും. കാര്‍ഷിക സെമിനാറുകളുടെ ഉദ്ഘാടനം മുന്‍ മഹാരാഷ്ട്ര ഗവര്‍ണര്‍ കെ ശങ്കരനായരായണന്‍ ഉദ്ഘാടനം ചെയ്യും. ഐ.സി ബാലകൃഷ്ണ്‍ എം.എല്‍.എ, എം.ഐ ഷാനവാസ് എം.പി, തമ്പാനൂര്‍ രവി, കെ.പി അനില്‍കുമാര്‍, പി.കെ ജയലക്ഷ്മി, പി.ടി ഗോപാലകുറുപ്പ്, പി.വി ബാലചന്ദ്രന്‍, പി വര്‍ഗീസ് സംസാരിക്കും.
വിവിധ വിഷയങ്ങളില്‍ പി.സി ചാക്കോ, കോഴിക്കോട് ഐ.ഐ.എസ്.ആര്‍ ഡയരക്ടര്‍ ഡോ. നിര്‍മ്മല്‍ബാബു, ഡോ. പി രാജേന്ദ്രന്‍, കെ.ടി തോമസ്, ഡോ. അനില്‍കുമാര്‍, ഡോ. എം കറുത്തമണി, ഡോ. വി ബാലകൃഷ്ണന്‍, ഡോ. സഫിയ, ഫാ. ജോണ്‍ ചൂരപ്പൊയ്ക, ഫാ. സെബാസ്റ്റ്യന്‍ എടയത്ത്, ഫാ. ആല്‍ഫ്രഡ്, അഡ്വ. സുരേഷ് കോശി, ജോര്‍ജ് ജേക്കബ് എന്നിവര്‍ ക്ലാസെടുക്കും.
വൈകുന്നേരം നാലിന് നടക്കുന്ന സമാപന സമ്മേളനം കെ മുരളീധരന്‍ എം.എല്‍.എ ഉദ്ഘാടനം ചെയ്യും. വാര്‍ത്താ സമ്മേളനത്തില്‍ സംഘാടക സമിതി ചെയര്‍മാന്‍ എന്‍.ഡി അപ്പച്ചന്‍, കണ്‍വീനര്‍ അഡ്വ. ജോഷി സിറിയക്, കെ.വി പോക്കര്‍ ഹാജി പങ്കെടുത്തു.