തിരുവനന്തപുരം: 39 ാമത് അഖില കേരള ടെക്‌നിക്കല്‍ ഹൈസ്‌കൂള്‍ കലോത്സവം സമാപിച്ചു. കലോത്സവത്തില്‍ വട്ടംകുളം (മലപ്പുറം) ടെക്‌നിക്കല്‍ ഹയര്‍സെക്കന്‍ഡറി സ്‌കൂള്‍ (108 പോയിന്റ്) ജേതാക്കളായി. കോഴിക്കോട് ടെക്‌നിക്കല്‍ ഹൈസ്‌കൂള്‍ (106 പോയിന്റ്) രണ്ടാം സ്ഥാനവും, കുറ്റിപ്പുറം ടെക്‌നിക്കല്‍ ഹൈസ്‌കൂള്‍ (105 പോയിന്റ്)മൂന്നാം സ്ഥാനവും കരസ്ഥമാക്കി. കൂടുതല്‍ പോയിന്റ് നേടിയതിനുള്ള വ്യക്തിഗത പുരസ്‌കാരം ശ്രീകാന്ത് സി.പി (ആണ്‍), സോണമോഹന്‍ (പെണ്‍), കെ.എസ് ദേവിക(പെണ്‍) എന്നിവര്‍ കരസ്ഥമാക്കി.
നെടുമങ്ങാട് മഞ്ച ഗവ. ടെക്‌നിക്കല്‍ ഹൈസ്‌കൂളില്‍ നടന്ന സമാപന സമ്മേളനം സ്പീക്കര്‍ പി ശ്രീരാമകൃഷ്ണന്‍ ഉദ്ഘാടനം ചെയ്തു.
സി ദിവാകരന്‍ എം.എല്‍.എ അധ്യക്ഷനായി. നെടുമങ്ങാട് നഗരസഭാ ചെയര്‍മാന്‍ ചെറ്റച്ചല്‍ സഹദേവന്‍, വൈസ് ചെയര്‍പേഴ്‌സണ്‍ ലേഖാ വിക്രമന്‍, പി. ഹരികേശന്‍ നായര്‍, ജെ. റോസല, സി. ബാബു, എ. ഷാജി, എ.സി വേലായുധന്‍, സിറിയക് ജോസ്, കെ.എന്‍ ശശി കുമാര്‍,ടി. സുനില്‍ കുമാര്‍ സംബന്ധിച്ചു. വിജയികള്‍ക്കുള്ള സമ്മാന വിതരണം സ്പീക്കര്‍ നിര്‍വഹിച്ചു. ഒന്നും രണ്ടും സ്ഥാനം നേടിയ സ്‌കൂളുകള്‍ക്ക് സി. ദിവാകരന്‍ എം.എല്‍.എ ഏര്‍പ്പെടുത്തിയ പ്രത്യേക ട്രോഫിയും നല്‍കി.