തലപ്പുഴ: നാട്ടില്‍ പ്രശ്‌നം വന്നാല്‍ ഫോറസ്റ്റും നാട്ടുകാരും സാമൂഹിക പ്രവര്‍ത്തകനായ സുജിത്തിനെ വിളിക്കും.

കാണികള്‍ക്കിത് ഭയാനകമായ കാഴ്ച്ചയാണെങ്കിലും സുജിത്തിനിതെല്ലാം വളരെ എളുപ്പമാണ്. നീര്‍ക്കോലി മുതല്‍ രാജവമ്പാല വരെയാണ് സുജിത്തിന്റെ കൂട്ടുകെട്ട്.


മാളങ്ങള്‍ പൊളിച്ചും മരത്തില്‍ കയറിയുമെല്ലാം സുജിത്ത് പാമ്പുകളെ വലയിലാക്കും.

വയനാട്ടിലെ കുറിച്യ തറവാടായ എടമന തറവാട്ടിലെ ക്ഷേത്ര തിറക്കളത്തുനിന്നാണ് കഴിഞ്ഞ ദിവസം രാജവമ്പാലയെ സുജിത്ത്  പിടികൂടിയത്.

മുന്‍ മന്ത്രിയായിരുന്ന ജയലക്ഷ്മിയുടെ അഛന്റെ തറവാടു കൂടിയാണ് എടമന തറവാട്.

ഏകദേശം നാലു വയസു പ്രായവും 6 കിലോ ഭാരവും 11 അടി നീളവുമുണ്ട് ഇന്നലെ പിടികൂടിയ രാജവമ്പാലക്ക്.