കോഴിക്കോട്: നഗരത്തില്‍ മൂന്നിടങ്ങളില്‍ തീപിടിത്തം. കോഴിക്കോട് രണ്ടാം ഗേറ്റ് പരിസരം, പാവമണി റോഡിനു സമീപം, മെഡിക്കല്‍ കോളജ് ഒളിംപ്യന്‍ റഹ്്മാന്‍ സ്റ്റേഡിയത്തിന് സമീപം എന്നിവിടങ്ങളിലാണ് തീപിടിത്തമുണ്ടായത്.
ഇന്നലെ വൈകിട്ട് നാലോടെയാണ് രണ്ടാം ഗേറ്റിന് സമീപം സരസ്വതി മ്യൂസിക്കല്‍സിന് മുന്‍വശത്തായി കൂട്ടിയിട്ട മാലിന്യത്തിന് തീപിടിച്ചത്. തീയണക്കുന്നതു വരെ റെയില്‍വേ ഗേറ്റ് അടച്ചിട്ടു. റെയില്‍വേയുടെ 20 മീറ്റര്‍ അണ്ടര്‍ ഗ്രൗണ്ട് കേബിള്‍ കത്തിനശിച്ചിട്ടുണ്ട്.
പാവമണി റോഡില്‍ സപ്ലൈകോ പെട്രോള്‍ പമ്പിന് സമീപത്തെ ഒഴിഞ്ഞ പറമ്പില്‍ കൂട്ടിയിട്ട മാലിന്യങ്ങള്‍ക്ക് വൈകിട്ട് ഏഴോടെയാണ് തീപിടിച്ചത്. ബീച്ച് ഫയര്‍ സ്റ്റേഷനില്‍ നിന്ന് ഒരു യൂനിറ്റെത്തി അരമണിക്കൂറിനു ശേഷമാണ് തീയണച്ചത്.
മെഡിക്കല്‍ കോളജ് ഒളിംപ്യന്‍ റഹ്മാന്‍ സ്റ്റേഡിയത്തിന് വടക്കുഭാഗത്തെ കുറ്റിക്കാടുകള്‍ക്കാണു തീപിടിച്ചത്.