പൊന്നാനി: കണ്ണൂരില്‍ സമാപിച്ച സംസ്ഥാന സ്‌കൂള്‍ കലോത്സവത്തില്‍ ജില്ലയില്‍ ഐഡിയല്‍ സ്‌കൂളിന് മികച്ച നേട്ടം. 64 വിദ്യാര്‍ഥികളുമായി മത്സരിച്ച 11 ഇനങ്ങളിലും മികച്ച വിജയം കൈവരിക്കാനായതിന്റെ ആഹ്ലാദത്തിലാണ് കടകശ്ശേരി ഐഡിയല്‍ സ്‌കൂളിലെ വിദ്യാര്‍ഥികളും അധ്യാപകരും രക്ഷിതാക്കളും.
ഹയര്‍ സെക്കന്‍ഡറി വിഭാഗം പരിചമുട്ടില്‍ ഒന്നാം സ്ഥാനത്തോടെ എ ഗ്രേഡ്, പഞ്ചവാദ്യം എ ഗ്രേഡോടെ മൂന്നാംസ്ഥാനം, മാര്‍ഗംകളി എ ഗ്രേഡ്, നാടന്‍പാട്ട് എ ഗ്രേഡ്, വട്ടപ്പാട്ട് എ ഗ്രേഡ്, മൂകാഭിനയം എ ഗ്രേഡ്, ഓട്ടന്‍തുള്ളല്‍ എ ഗ്രേഡ്, ഗിറ്റാര്‍ പാശ്ചാത്യം എ ഗ്രേഡ്, എന്നി നേട്ടങ്ങള്‍ കൊയ്തു.
40 പോയിന്റുകള്‍ നേടി. മികച്ച വിജയം നേടിയ വിദ്യാര്‍ഥികളെ ഐഡിയല്‍ അക്കാദമിക് ഡയറക്ടര്‍ മജീദ് ഐഡിയല്‍, ട്രസ്റ്റ് ചെയര്‍മാന്‍ പി കുഞ്ഞാവുഹാജി, സെക്രട്ടറി ആറ്റക്കോയ തങ്ങള്‍ , ആര്‍ട്‌സ് കോഡിനേറ്റര്‍ പിടിഎം ആനക്കര, ഹൈസ്‌കൂള്‍ പ്രധാനാധ്യാപിക ചിത്രഹരിദാസ്, പ്രിന്‍സിപ്പല്‍ പ്രവീണരാജ, കണ്‍വീനര്‍മാരായ ശ്രീലാല്‍ വിഎസ്, രാജേന്ദ്രന്‍ മുര്‍ക്കോത്ത് തുടങ്ങിയവര്‍ അഭിനന്ദിച്ചു.