ചെര്‍ക്കള: ചെങ്കള ഇന്ദിരാ നഗറില്‍ സ്വകാര്യ ബസിന് നേരെ വിദ്യാര്‍ത്ഥികള്‍ കല്ലെറിഞ്ഞു രണ്ട് യാത്രക്കാര്‍ക്ക് പരുക്കേറ്റു. മുട്ടത്തൊടി പയോട്ടേ മുഹമ്മദ്(55), മഞ്ഞം പാറയിലെ കൃഷ്ണന്‍(40) എന്നിവര്‍ക്കാണ് പരുക്കേറ്റത്. കാഞ്ഞങ്ങാട് നിന്നും കാസര്‍കോട് ഭാഗത്തേക്ക് വരികയായിരുന്ന സ്വകാര്യ ബസിന് നേരെയാണ് കല്ലേറുണ്ടായത്. പരുക്കേറ്റവരെ ചെങ്കളയിലെ സഹകരണാശുപത്രിയില്‍ പ്രവേശിപ്പിച്ചു. ഇന്നലെ ഉച്ചയ്ക്ക് ഒന്നരയോടെ ബസ് ഇന്ദിരാ നഗര്‍ സ്റ്റോപ്പില്‍ നിര്‍ത്തി യാത്രക്കാരെ കയറ്റുന്നതിനിടേയാണ് സംഭവം. പിറകിലൂടെ എത്തിയ വിദ്യാര്‍ഥികളോട് മുന്നിലുള്ള തുറന്നുകിടന്ന വാതിലിലൂടെ കയറാന്‍ ആവശ്യപ്പെട്ടിരുന്നു. എന്നാല്‍ യാത്രയ്ക്കില്ലെന്ന് പറഞ്ഞ് തിരിച്ച് നടന്ന ഇവര്‍ പിറകിലേക്ക് കല്ലെറിയുകയായിരുന്നുവെന്ന് കണ്ടക്ടര്‍ പറഞ്ഞു. വിവരമറിഞ്ഞെത്തിയ പൊലിസ് കല്ലെറിഞ്ഞ വിദ്യാര്‍ഥികളെയടക്കം ഏതാനും പേരെ കസ്റ്റഡിയിലെടുത്തു.