തൃക്കരിപ്പൂര്‍: ജീവകാരുണ്യ പ്രവര്‍ത്തനങ്ങള്‍ക്ക് ധനസമാഹരണം ലക്ഷ്യമിട്ട് വ്യാപാരി വ്യവസായി ഏകോപന സമിതി തൃക്കരിപ്പൂര്‍ യൂനിറ്റ് ജനകീയ സംഘാടക സമിതിയുടെ നേതൃത്വത്തില്‍ ഡിസംബര്‍ 15 മുതല്‍ സംഘടിപ്പിച്ചുവന്ന തൃക്കരിപ്പൂര്‍ മഹോത്സവത്തിനു സമാപനം. ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ഉദ്ഘാടനം ചെയ്തു.
സംഘാടക സമിതി വര്‍ക്കിങ് ചെയര്‍മാന്‍ കെ.വി ലക്ഷ്മണന്‍ അധ്യക്ഷനായി. ക്രൈംബ്രാഞ്ച് എസ്.പി ഡോ. എ. ശ്രീനിവാസന്‍ മുഖ്യാതിഥിയായി. നിര്‍ധന രോഗികള്‍ക്കുള്ള ചികിത്സാ സഹായം ഫായിക്ക ഇന്‍ഡോര്‍ അക്കാദമി എം.ഡി അബ്ദുസലാം വിതരണം ചെയ്തു. വ്യാപാരി വ്യവസായി ഏകോപന സമിതി മേഖലാ പ്രസിഡന്റ് പി.പി മുസ്തഫ, യൂത്ത് വിങ് സംസ്ഥാന സെക്രട്ടറി മണികണ്ഠന്‍, അഡ്വ. കെ.കെ രാജേന്ദ്രന്‍ എ.ജി നൂറുല്‍ അമിന്‍ സംസാരിച്ചു.
വിവിധ ഉപഹാരങ്ങള്‍ സി.എച്ച് അബ്ദുറഹീം, സി. രവി, ചന്ദ്രദാസ് തൃക്കരിപ്പൂര്‍, കെ. സഹജന്‍, വി.പി ഗോപാലകൃഷ്ണന്‍, കണ്ണന്‍ ഫോട്ടോഫാസ്റ്റ്, നാസര്‍ നുര്‍ഷിദ, കെ. പത്മനാഭന്‍, കെ. മുഹമ്മദ് ആരിഫ്, ലാബൂച്ച് മുഹമ്മദ് കുഞ്ഞി, കെ. അരുണ്‍ തുടങ്ങിയവര്‍ വിതരണം ചെയ്തു.