കരുവാരകുണ്ട്: കണ്ണത്ത് ചിലമ്പിലെകൈ അങ്കണവാടിയില്‍ വൈദ്യുതി എത്തിയതോടെ കുട്ടികള്‍ക്ക് ആശ്വാസമായി. വെളിച്ചം കൂടുകയും ചൂടിനു ശമനമാകാന്‍ ഫാനുകളും സ്ഥാപിച്ചു. കഴിഞ്ഞ ഭരണ സമിതിയുടെ കാലത്താണു പുതുതായി അങ്കണവാടി കെട്ടിടം നിര്‍മിച്ചത്. കടുത്ത വേനലിലും ചൂടു സഹിക്കാനാവാതെയാണു കുരുന്നുകള്‍ പഠനം നടത്തിയത്. വൈദ്യുതിയുടെ സ്വിച്ച്ഓണ്‍ കര്‍മം വാര്‍ഡ് അംഗം ജമീലാ അശ്‌റഫ് നിര്‍വ്വഹിച്ചു.അഷ്‌റഫ് മുസ്‌ലിയാര്‍, വി.അശ്‌റഫ് എന്നിവര്‍ പങ്കെടുത്തു.